വൈലോപ്പിള്ളി സംസ്‌കൃതി ഭവനില്‍ കുട്ടികള്‍ക്കായി ചിത്രശലഭങ്ങളുടെ വീടൊരുങ്ങുന്നു
KeralaNews

വൈലോപ്പിള്ളി സംസ്‌കൃതി ഭവനില്‍ കുട്ടികള്‍ക്കായി ചിത്രശലഭങ്ങളുടെ വീടൊരുങ്ങുന്നു

തിരുവനന്തപുരം: ശിശുദിനാഘോഷങ്ങളുടെ ഭാഗമായി വൈലോപ്പിള്ളി സംസ്‌കൃതി ഭവനില്‍ കുട്ടികള്‍ക്കായി ചിത്രശലഭങ്ങളുടെ വീടൊരുങ്ങുന്നു. ശിശുദിനമായ നവംബര്‍ 14ന് വൈകിട്ട് ആറു മണിക്കാണ് ചിത്രശലഭങ്ങളുടെ വീട് എന്ന പേരില്‍ സര്‍ഗ സായാഹ്നം സംഘടിപ്പിക്കുന്നത്. സായാഹ്നം കുട്ടികളുടെ പ്രധാനമന്ത്രി മിന്ന രഞ്ജിത് ഉദ്ഘാടനം ചെയ്യും. കുട്ടികളുടെ പ്രസിഡന്റ് എസ്. നന്മ അധ്യക്ഷയാകും. കുട്ടികളുടെ സ്പീക്കര്‍ എസ്. ഉമ, പി.എസ്. പാര്‍വണേന്ദു, എം.എന്‍. ഗൗതമി തുടങ്ങിയവര്‍ പങ്കെടുക്കും.

തുടര്‍ന്ന് സര്‍ഗപ്രതിഭകളായ കുട്ടികളെ ആദരിക്കും. റൂബിക്സ് ക്യൂബ് മൊസൈക്കില്‍ ലോക റെക്കോഡ് ജേതാവായ അദ്വൈത് മാനഴിയുടെ റൂബിക്സ് ക്യൂബ് മൊസൈക്ക്് പ്രകടനം അരങ്ങേറും. മേനംകുളം ജ്യോതിസ് സെന്‍ട്രല്‍ സ്‌കൂളിലെ കുട്ടികള്‍ അവതരിപ്പിക്കുന്ന മൂകാഭിനയവും മാര്‍ ഇവാനിയോസ് വിദ്യാനഗര്‍ സര്‍വ്വോദയ വിദ്യാലയത്തിലെ കുട്ടികളുടെ കലാപരിപാടികളും അരങ്ങേറും.

Related Articles

Post Your Comments

Back to top button