കേരളത്തിലെ ഇടുക്കി ജില്ലയിലെ ദേവികുളം ബ്ലോക്കിലെ ഒരു മനോഹരമായ ചെറിയ ഗ്രാമമാണ് പഴത്തോട്ടം. വട്ടവട പഞ്ചായത്തിന്റെ കീഴിലാണ് ഇത് വരുന്നത്. ഇത് മധ്യകേരള ഡിവിഷനില്‍ പെടുന്നു. തെക്ക് ബോഡിനായ്ക്കനൂര്‍ ബ്ലോക്ക്, കിഴക്കോട്ട് കൊടൈക്കനാല്‍ ബ്ലോക്ക്, പടിഞ്ഞാറ് അടിമാലി ബ്ലോക്ക്, കിഴക്കോട്ട് പെരിയകുളം ബ്ലോക്ക് എന്നിവയാല്‍ ചുറ്റപ്പെട്ടതാണ് പഴത്തോട്ടം. എല്ലാ സമയത്തും സുഖകരമായ കാറ്റ് വീശുന്ന നല്ല കാലാവസ്ഥയാണ് പഴത്തോട്ടത്തിനുള്ളത്. ഈ ഗ്രാമത്തിലെ ഏറ്റവും ഉയരം കൂടിയ സ്ഥലത്ത് സ്ഥിതി ചെയ്യുന്ന ഒരു വ്യൂ പോയിന്റാണ് പഴത്തോട്ടം വ്യൂ പോയിന്റ്.
ചുറ്റുപാടും ആകര്‍ഷകമായ സൗന്ദര്യവും വൃത്തിയും പച്ചയും ആരോഗ്യകരവുമായ അന്തരീക്ഷം നിറഞ്ഞതാണ്. വട്ടവടയിലെ മലയോര മേഖലകളിലൊന്നാണിത്. വ്യൂ പോയിന്റിന് മുകളില്‍ നിന്നാല്‍ വട്ടവട ഗ്രാമത്തിന്റെയും കോവിലൂര്‍ ടൗണിന്റെയും വിശാലദൃശ്യം ലഭിക്കും. വ്യൂ പോയിന്റ് താഴ് വരയുടെ മികച്ച കാഴ്ച നല്‍കുന്നു. വിവിധ സ്ഥലങ്ങളില്‍ നിന്നുള്ള ആവേശകരമായ വിനോദസഞ്ചാരികള്‍ക്കിടയില്‍ ഇത് ജനപ്രിയമാണ്. വ്യൂ പോയിന്റ് കോവിലൂരില്‍ നിന്ന് ഏതാനും കിലോമീറ്റര്‍ മാത്രം അകലെയാണ്. അല്‍പ്പം വിദൂര പ്രദേശമായതിനാല്‍ മൂന്നാര്‍ സന്ദര്‍ശകര്‍ക്കിടയില്‍ ഈ സ്ഥലം അത്ര ജനപ്രിയമല്ല.
വട്ടവട ഗ്രാമീണപ്രതേശങ്ങളിലൂടെ ഈ സ്ഥലത്തേക്കുള്ള യാത്ര മനോഹരമാണ്. കോവിലൂര്‍ പട്ടണത്തിനു ശേഷമുള്ള പാതയില്‍ മനോഹരമായ കാഴ്ചകള്‍ ഉണ്ട്. നിങ്ങള്‍ക്ക് ലഘുഭക്ഷണവും വെള്ളവും ലഭിക്കുന്ന വ്യൂ പോയിന്റില്‍ രണ്ട് മൂന്ന് കടകളുണ്ട്. റോഡിന്റെ സൈഡില്‍ വാഹനങ്ങള്‍ പാര്‍ക്ക് ചെയ്യാം. കാരറ്റ്, ബീറ്റ്‌റൂട്ട്, ബീന്‍സ്, കാബേജ്, മല്ലിയില, ഉരുളക്കിഴങ്ങ്, കോളിഫ്‌ലവര്‍, ഗ്രീന്‍ പീസ്, വെളുത്തുള്ളി, മരത്തക്കാളി തുടങ്ങി ധാരാളം പച്ചക്കറികളും കരിമ്പ്, പ്ലംസ്, സീതപഴം, ആപ്പിള്‍, സ്‌ട്രോബെറി, പിയര്‍, സബര്‍ജെല്ലി, ഉറുമാമ്പഴം, ഓറഞ്ച്, പാഷന്‍ ഫ്രൂട്ട് തുടങ്ങിയ പഴങ്ങളും ഇവിടെ കൃഷി ചെയ്യുന്നു.
സീസണില്‍ പ്രശസ്തമായ നീലക്കുറുഞ്ഞി പൂക്കളും നിങ്ങള്‍ക്ക് ഇവിടെ കാണാം. വട്ടവടയില്‍ നിന്ന് ഏകദേശം ആറ് കിലോമീറ്റര്‍ അകലെയായിട്ടാണ് പഴത്തോട്ടം സ്ഥിതി ചെയ്യുന്നത്. മുന്നാറില്‍ നിന്ന് ഏകദേശം 43 കിലോമീറ്ററും, അടിമാലിയില്‍ നിന്ന് ഏകദേശം 68 കിലോമീറ്ററും അകലെയാണിത്.
Post Your Comments