കോടതിക്കുള്ളില്‍ വന്‍ സ്‌ഫോടനം
NewsNational

കോടതിക്കുള്ളില്‍ വന്‍ സ്‌ഫോടനം

പറ്റ്‌ന: ബിഹാറില്‍ സിവില്‍ കോടതിക്കുള്ളില്‍ വന്‍ സ്ഫോടനം. സ്‌ഫോടനത്തില്‍ പോലീസുകാരന് പരിക്കേറ്റു. പറ്റ്‌നയിലെ സിവില്‍ കോടതിയിലാണ് ഇന്ന് ഉച്ചയോടെ സ്ഫോടനം ഉണ്ടായത്. സ്‌ഫോടനത്തിന്റെ തീവ്രത കുറവായതിനാല്‍ കൂടുതല്‍ നാശനനഷ്ടങ്ങളും ജീവപായവും ഒഴിവായി.

കദംകുവാന്‍ പോലീസിലെ എഎസ്‌ഐ മദന്‍ സിംഗിനാണ് സ്‌ഫോടനത്തില്‍ പരിക്കേറ്റത്. ഇയാളുടെ വലതുകൈ സ്‌ഫോടനത്തില്‍ തകര്‍ന്നു. ഇയാളെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. മദന്‍ സിംഗിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര്‍ വ്യക്തമാക്കി.

സ്‌ഫോടക വസ്തുക്കള്‍ പിടിച്ചെടുത്ത കേസായിരുന്നു കോടതി പരിഗണിച്ചിരുന്നത്. വാദം തുടരവേ പോലീസ് പിടിച്ചെടുത്ത ഗണ്‍പൗഡര്‍ കോടതിയിലിരുന്ന് പൊട്ടിത്തെറിക്കുകയാണുണ്ടായത്. പറ്റ്‌ന സര്‍വകലാശാലയിലെ പട്ടേല്‍ ഹോസ്റ്റലില്‍ നിന്ന് കഴിഞ്ഞ ദിവസമാണ് ഗണ്‍പൗഡര്‍ പിടികൂടിയത്. സ്ഥിതിഗതികള്‍ നിയന്ത്രണ വിധേയമാണെന്ന് പോലീസ് അറിയിച്ചു.

Related Articles

Post Your Comments

Back to top button