CovidKerala NewsLatest NewsNews

കേരളത്തില്‍ 54 പേര്‍ക്ക് കൂടി ഒമിക്രോണ്‍

തിരുവനന്തപുരം: സംസ്ഥാനത്ത് 54 പേര്‍ക്ക് കൂടി ഒമിക്രോണ്‍ സ്ഥിരീകരിച്ചതായി മന്ത്രി വീണ ജോര്‍ജ് അറിയിച്ചു. എറണാകുളം- 12, കോഴിക്കോട്- 10, മലപ്പുറം- ഏഴ്, തൃശൂര്‍- ആറ്, കോട്ടയം- അഞ്ച്, തിരുവനന്തപുരം, പാലക്കാട്- മൂന്ന് വീതം, കൊല്ലം, ആലപ്പുഴ- രണ്ട് വീതം, വയനാട്, കണ്ണൂര്‍- ഒന്ന് വീതം എന്നിങ്ങനെയാണ് ഇന്ന് ഒമിക്രോണ്‍ സ്ഥിരീകരിച്ചത്. രണ്ട് പേര്‍ വിവിധ രാജ്യങ്ങളില്‍ നിന്നും വന്ന ഇതര സംസ്ഥാനക്കാരാണ്.

33 പേര്‍ ലോ റിസ്‌ക് രാജ്യങ്ങളില്‍ നിന്നും ആറ് പേര്‍ ഹൈ റിസ്‌ക് രാജ്യങ്ങളില്‍ നിന്നും വന്നതാണ്. അഞ്ച് പേര്‍ മറ്റ് സംസ്ഥാനങ്ങളില്‍ നിന്നും വന്നതാണ്. 10 പേര്‍ക്ക് സമ്പര്‍ക്കത്തിലൂടെയാണ് ഒമിക്രോണ്‍ ബാധിച്ചത്. സംസ്ഥാനത്ത് ആകെ 645 പേര്‍ക്കാണ് ഒമിക്രോണ്‍ സ്ഥിരീകരിച്ചത്. ലോ റിസ്‌ക് രാജ്യങ്ങളില്‍ നിന്നും 434 പേരും ഹൈ റിസ്‌ക് രാജ്യങ്ങളില്‍ നിന്നും ആകെ 107 പേരും എത്തിയിട്ടുണ്ട്. 80 പേര്‍ക്കാണ് ആകെ സമ്പര്‍ക്കത്തിലൂടെ രോഗം ബാധിച്ചത്.

Related Articles

Back to top button