ഹോട്ടലാണന്ന് കരുതി എസി പി യെ വിളിച്ച് കുബ്ബൂസും ഷവായും ഓർഡർ ചെയ്ത് എ എസ് ഐ
NewsKerala

ഹോട്ടലാണന്ന് കരുതി എസി പി യെ വിളിച്ച് കുബ്ബൂസും ഷവായും ഓർഡർ ചെയ്ത് എ എസ് ഐ

ജോലികഴിഞ്ഞ് വിശന്നപ്പോൾ ഭക്ഷണം ഓർഡർ ചെയ്യാനായി നമ്പർ മാറി വിളിച്ചത് എ സി പി യെ. എ ആര്‍ ക്യാംപിലെ ക്വിക്ക് റെസ്‌പോന്‍സ് ടീമിലെ എഎസ്‌ഐ ആണ് ബല്‍രാജിനാണ് അബദ്ധം പിണഞ്ഞത്.

ഒരു മാൻ മിസിംങ് കേസുമായി ബന്ധപ്പെട്ട് സുരക്ഷാ ഡ്യൂട്ടിക്കഴിഞ്ഞ് വിശന്നപ്പോഴാണ് ബൽരാജ് ഹോട്ടലാണന്ന് കരുതി എ സി പി യെ വിളിച്ചത്.

ഹോട്ടലാണന്ന് കരുതി വിളിച്ചപ്പോൾ ഫോണെടുത്ത ശേഷം മറുതലയ്ക്കലില്‍ നിന്നും എന്താണ് വേണ്ടതെന്ന് കൂടി കേട്ടപ്പോള്‍ എന്നാല്‍ ഒരു അര ഷവായിയും നാല് കുബ്ബൂസും പോരട്ടേ എന്ന് ബൽരാജ് മറുപടി നൽകി.

അപ്പോൾ അപ്പുറത്ത് നിന്നു ഒരു രക്ഷയുമില്ലല്ലോ ഇത് ഫറൂഖ് എസിപി എ എം സിദ്ധിഖിന്റെ നമ്പരാണെന്ന് മറുപടി കിട്ടിയതോടെ എഎസ്‌ഐ ഞെട്ടി. ഇതോടെ അബദ്ധം മനസിലായ ബൽരാജ് മാപ്പ് പറയാന്‍ ശ്രമിച്ചെങ്കിലും സന്ദര്‍ഭത്തെ വളരെ കൂളായാണ് സിദ്ധിഖ് കൈകാര്യം ചെയ്തത്. ഇതേതായാലും തമാശയായെന്ന് പൊട്ടിച്ചിരിച്ചുകൊണ്ടാണ് അദ്ദേഹം പ്രതികരിച്ചത്.

അസിസ്റ്റന്റ് കമ്മീഷണറെന്ന് കേട്ടപ്പോഴേ വിറച്ചുപോയ ബല്‍രാജിനോട് ചങ്ങാതീ അബദ്ധമൊക്കെ ആര്‍ക്കും പറ്റുമെന്ന് പറഞ്ഞ് സിദ്ധിഖ് ആശ്വസിപ്പിച്ചു.

എ ആര്‍ ക്യാംപിലെ ക്വിക്ക് റെസ്‌പോന്‍സ് ടീമിലെ എഎസ്‌ഐ ആണ് ബല്‍രാജ്. ഡ്യൂട്ടി കഴിഞ്ഞ് മടങ്ങിക്കോട്ടെയെന്ന് അനുവാദം ചോദിക്കാന്‍ ബല്‍രാജ് ഒരുവട്ടം അസിസ്റ്റന്റ് കമ്മിഷണറെ വിളിച്ചിരുന്നു.

പിന്നീട് രാത്രി ഭക്ഷണം ഓര്‍ഡര്‍ ചെയ്യാന്‍ ശ്രമിക്കവേ അറിയാതെ വീണ്ടും എസിപി സിദ്ധിഖിന് തന്നെ കോള്‍ പോകുകയായിരുന്നു.

Related Articles

Post Your Comments

Back to top button