ആഡംബര കാറിനായി തര്‍ക്കം – അച്ഛനും മകനും തമ്മിൽ സംഘര്‍ഷം; മകന് ഗുരുതരാവസ്ഥയിൽ
തിരുവനന്തപുരം വഞ്ചിയൂർ പ്രദേശത്ത് ആഡംബര കാറിനായി ഉണ്ടായ കുടുംബ തര്‍ക്കം രൂക്ഷമായി. മകന് അച്ഛനെ ആക്രമിച്ചതിന് പിന്നാലെ, പ്രകോപിതനായ അച്ഛന്‍ കമ്പിപ്പാര കൊണ്ട് മകനെ തിരിച്ചാക്രമിച്ചു. മകന് ഗുരുതരമായി പരിക്കേറ്റു. സംഭവം വഞ്ചിയൂർ പൊലീസ് സ്റ്റേഷൻ പരിധിയിലാണുണ്ടായത്.
28കാരനായ ഹൃദ്യക്ക് ഗുരുതരമായി പരിക്കേറ്റു, ശസ്ത്രക്രിയയ്ക്ക് ശേഷം തിരുവനന്തപുരം മെഡിക്കൽ കോളേജ് ആശുപത്രിയിലെ ഐസിയുവിൽ ചികിത്സയിലാണ്. സംഭവവുമായി ബന്ധപ്പെട്ട് അച്ഛൻ വിനയാനന്ദനെതിരെ പൊലീസ് കേസ് രജിസ്റ്റർ ചെയ്തു, ഇയാൾ നിലവിൽ ഒളിവിലാണ് എന്നാണ് വിവരം.
പോലീസിന്റെ വിവരമനുസരിച്ച്, ആഡംബര കാറ് വാങ്ങിക്കൊടുക്കണമെന്നാവശ്യപ്പെട്ട് മകൻ വീട്ടിൽ നിരന്തരം തർക്കം സൃഷ്ടിക്കാറുണ്ടായിരുന്നു. ഇതിനുമുമ്പ് ലക്ഷങ്ങൾ വിലവരുന്ന ബൈക്ക് അച്ഛൻ മകനു വാങ്ങികൊടുത്തിരുന്നുവെങ്കിലും, അതിനും ശേഷമാണ് തര്‍ക്കം തുടരുന്നത്.
സംഭവദിവസവും വാക്കുതര്‍ക്കത്തിനിടെ മകന് അച്ഛനെ ആക്രമിച്ചതിനെത്തുടര്‍ന്ന്, പ്രകോപിതനായ അച്ഛന്‍ കമ്പിപ്പാര ഉപയോഗിച്ച് മകനെ തിരിച്ചടിച്ചതായാണ് പൊലീസ് റിപ്പോർട്ട്. പണത്തിനും ആഡംബര ജീവിതത്തിനുമുള്ള മകന്റെ അമിതാഭിലാഷം തുടർച്ചയായി വീട്ടിൽ പ്രശ്നങ്ങൾ സൃഷ്ടിച്ചിരുന്നതായി പൊലീസ് അറിയിച്ചു.
Tag: Dispute over luxury car – Conflict between father and son; Son in critical condition
