രമ്യ ഹരിദാസ്എം.പിക്ക് നേരെ സൈബര്‍ ആക്രമണം
.
രമ്യ ഹരിദാസ് എം.പിക്കെതിരെ അപകീര്‍ത്തിപ്പെടുത്തി ഫേസ് ബുക്കിൽ പോസ്റ്റിട്ട പറമ്പിക്കുളം സ്റ്റേഷനിലെ സിവില്‍ പൊലീസ് ഓഫിസര്‍ ദിനൂപിനെതിരെ കൊല്ലങ്കോട് police കേസെടുത്തു. ജില്ല പൊലീസ് മേധാവിക്ക് നല്‍കിയ പരാതിയിലാണ് നടപടി ഉണ്ടായത്.
സ്ത്രീത്വത്തെ അപമാനിക്കല്‍, അപകീര്‍ത്തി പ്രചാരണം, സമൂഹമാധ്യമ ദുരുപയോഗം എന്നീ വകുപ്പുകള്‍ ചുമത്തിയാണ് കേസ്.എംപിയെ ഫേസ്ബുക്ക് വഴി അപമാനിച്ച വടക്കാഞ്ചേരി സ്വദേശി മുന്ന മുനാറക്, ഈ പോസ്റ്റ് ഷെയര്‍ ചെയ്ത സന്തോഷ്, ഹരിത, റെനില്‍, ഹരി എന്നിവര്‍ക്കെതിരെ എംപി ആലത്തൂര്‍ സ്റ്റേഷനില്‍ രമ്യ ഹരിദാസ് എം.പി പരാതി നല്‍കിയിട്ടുണ്ട്. തനിക്കെതിരെ സിപിഎം സൈബര്‍ സംഘം സമൂഹമാധ്യമം വഴി തുടര്‍ച്ചയായി ഹീനമായ വ്യക്തിഹത്യ നടത്തുന്നതായി എംപി പരാതിയില്‍ ആരോപിച്ചിട്ടുണ്ട്.
