കിഡ്നി തകരാറുമൂലം 11കുട്ടികൾ മരിച്ച സംഭവം: അന്വേഷണം ഊർജ്ജിതമാക്കി

കഫ് സിറപ്പ് കുടിച്ചതിനെ തുർന്ന് മധ്യപ്രദേശിലും രാജസ്ഥാനിലുമായി 11 കുട്ടികളുടെ മരിച്ച സംഭവത്തിൽ അന്വേഷണം ശക്തമാക്കി ആരോഗ്യവകുപ്പ്. മരണത്തിന് കാരണം കിഡ്നി തകരാറാണെന്നും, അത് കഫ് സിറപ്പിന്റെ ഉപയോഗവുമായി ബന്ധപ്പെട്ടിരിക്കാം എന്ന ആരോപണമാണ് ഇപ്പോൾ പരിശോധിക്കുന്നത്. ഇതിനായി കഫ് സിറപ്പുകളുടെ സാമ്പിളുകൾ പരിശോധനയ്ക്ക് അയച്ചിട്ടുണ്ട്.
എന്നാൽ, രാജസ്ഥാനിലെ സർക്കാർ ആശുപത്രികളിൽ സൗജന്യമായി വിതരണം ചെയ്ത കഫ് സിറപ്പല്ല കുട്ടികളുടെ മരണത്തിന് പിന്നിലെന്ന് ആരോഗ്യവകുപ്പ് വ്യക്തമാക്കി. കൂടാതെ, ഡോക്ടർമാരുടെ നിർദ്ദേശം പ്രകാരം അല്ലാതെയാണ് കുട്ടികൾക്ക് കഫ് സിറപ്പ് നൽകിയതെന്ന് വകുപ്പിന്റെ വിശദീകരണം.
അതേസമയം, നാഷണൽ സെന്റർ ഫോർ ഡിസീസ് കൺട്രോൾ (NCDC) നടത്തിയ 500 പരിശോധനാ ഫലങ്ങൾ നെഗറ്റീവ് ആണെന്ന് കേന്ദ്ര ആരോഗ്യമന്ത്രാലയം അറിയിച്ചു. വിഷയത്തിൽ അന്വേഷണം നടത്തുന്നത് സംസ്ഥാന സർക്കാറാണെന്നും അവർ വ്യക്തമാക്കി.
Tag: 11 children die of kidney failure: Investigation intensified