ആലപ്പുഴ ബൈ​പ്പാ​സിന്റെ ഉ​ദ്ഘാ​ട​ന ച​ട​ങ്ങിൽ നിന്ന് രണ്ടു മന്ത്രിമാരെയും എം പി മാരെയും കേന്ദ്രം വെട്ടി.

ആ​ല​പ്പു​ഴ/ ആലപ്പുഴ ബൈ​പ്പാ​സിന്റെ ഉ​ദ്ഘാ​ട​ന ച​ട​ങ്ങിലെ സം​സ്ഥാ​ന സ​ർ​ക്കാ​ർ പ​ട്ടി​ക​യി​ൽ​ നിന്ന് ര​ണ്ട് മ​ന്ത്രി​മാ​രെ​യും, എം​പി​മാ​രെ​യും കേ​ന്ദ്ര സ​ർ​ക്കാ​ർ വെ​ട്ടി മാറ്റി. ചടങ്ങിൽ പങ്കെടുക്കുന്നവരുടെ ലിസ്റ്റിലേക്ക് ര​ണ്ട് കേ​ന്ദ്ര സ​ഹ​മ​ന്ത്രി​മാ​രെ കൂടി ഉൾപ്പെടുത്തി കേന്ദ്രം മാറ്റങ്ങൾ വരുത്തി.മ​ന്ത്രി​മാ​രാ​യ തോ​മ​സ് ഐ​സ​ക്, പി. ​തി​ലോ​ത്ത​മ​ൻ, എം​പി​മാ​രാ​യ എ.​എം. ആ​രി​ഫ്, കെ.​സി. വേ​ണു​ഗോ​പാ​ൽ എ​ന്നി​വ​രെ​യാ​ണ് ചടങ്ങിൽ നിന്നും ഒ​ഴി​വാ​ക്കി​യിരിക്കുന്നത്. ചടങ്ങുമായി ബന്ധപെട്ടു കേന്ദ്രം കേരളത്തിനയച്ച ഫൈനൽ ലിസ്റ്റിൽ ഈ മന്ത്രിമാരും, എം പി മാരും ഇല്ല.

ബൈ​പ്പാ​സിന്റെ ഉ​ദ്ഘാ​ട​ന ച​ട​ങ്ങിൽ റോ​ഡ് ഗ​താ​ഗ​ത മ​ന്ത്രി നി​തി​ൻ ഗ​ഡ്ക​രി നേ​രി​ട്ടു ച​ട​ങ്ങി​ൽ പ​ങ്കെ​ടു​ക്കി​ല്ല. വി. ​മു​ര​ളീ​ധ​ര​നെ​യും ഉ​പ​രി​ത​ല ഗ​താ​ഗ​ത സ​ഹ​മ​ന്ത്രി വി​ജ​യ് കു​മാ​ർ സിം​ഗി​നെ​യു​മാ​ണ് കേ​ന്ദ്ര മ​ന്ത്രാ​ല​യം ചടങ്ങിലേക്ക് ഉ​ൾ​പ്പെ​ടു​ത്തി​യ​ത്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, മ​ന്ത്രി ജി.​സു​ധാ​ക​ര​ൻ, ന​ഗ​ര​സ​ഭാ​ധ്യ​ക്ഷ സൗ​മ്യ രാ​ജ്, കേ​ന്ദ്ര റോ​ഡ് ഗ​താ​ഗ​ത, ദേ​ശീ​യ​പാ​ത സെ​ക്ര​ട്ട​റി, സം​സ്ഥാ​ന പൊ​തു​മ​രാ​മ​ത്ത് സെ​ക്ര​ട്ട​റി എ​ന്നി​വ​ർ മാ​ത്ര​മാ​ണ് കേ​ന്ദ്രം അം​ഗീ​ക​രി​ച്ച പ​രി​പാ​ടി​യി​ലു​ള്ള​ത്.

ഗ​ഡ്ക​രി​യും മു​ഖ്യ​മ​ന്ത്രി​യും ചേ​ർ​ന്നു ബൈ​പ്പാ​സ് നാ​ടി​നു സ​മ​ർ​പ്പി​ക്കു​മെ​ന്നാണ് അറിയിച്ചിരിക്കുന്നത്. എ​ന്നാ​ൽ, മു​ഖ്യ​മ​ന്ത്രി ച​ട​ങ്ങി​ൽ നേ​രി​ട്ടെ​ത്തി​യാ​ണോ വി​ഡി​യോ കോ​ൺ​ഫ​റ​ൻ​സ് വ​ഴി​യാ​ണോ ഉ​ദ്ഘാ​ട​നം ചെ​യ്യു​ക എ​ന്ന കാര്യത്തിനും ഇതുവരെ തീ​രു​മാ​ന​മാ​യി​ട്ടി​ല്ല. കേന്ദ്രം ഒ​ഴി​വാ​ക്കി​യ പേരുകൾ കൂടി ഉ​ൾ​പ്പെ​ടു​ത്ത​ണ​മെ​ന്ന് ആ​വ​ശ്യ​പ്പെ​ട്ട് പ​രി​പാ​ടി​യു​ടെ വി​വ​ര​ങ്ങ​ൾ കേ​ന്ദ്ര സ​ർ​ക്കാ​രിന് മ​ന്ത്രി ജി.​സു​ധാ​ക​രന്റെ ഓഫീസിയിൽ നിന്ന് തി​രി​ച്ച​യ​ച്ചി​ട്ടു​ണ്ട്. ജി​ല്ല​യി​ലെ മൂ​ന്ന് മ​ന്ത്രി​മാ​രെ​യും എം​പി​മാ​രാ​യ എ.​എം.​ആ​രി​ഫി​നെ​യും കെ.​സി.​വേ​ണു​ഗോ​പാ​ലി​നെ​യും ഉ​ൾ​പ്പെ​ടു​ത്തി​യാ​ണു സം​സ്ഥാ​ന സ​ർ​ക്കാ​ർ പ​രി​പാ​ടി ത​യാ​റാ​ക്കി കേ​ന്ദ്ര സ​ർ​ക്കാ​രി​ന്‍റെ അം​ഗീ​കാ​ര​ത്തി​ന് അയച്ചിരുന്നതെന്നും ഇക്കാര്യത്തിൽ സു​ധാ​ക​ര​ൻ പറയുന്നു.