ഓൺലൈൻ റമ്മി : വിരാട് കോഹ്‌ലിക്കും തമന്നയ്ക്കും അജു വർഗീസും ഹൈക്കോടതിയുടെ നോട്ടീസ്.
കൊച്ചി / ഓൺലൈൻ റമ്മിക്കെതിരായി ഹൈക്കോടതിയിൽ ഹർജി. ഓണ്‍ലൈന്‍ റമ്മിക്കെതിരായ ഹര്‍ജിയില്‍ ബ്രാന്‍ഡ്‌ അംബാസിഡര്‍മാരായ വിരാട് കോഹ്‌ലിക്കും തമന്നയ്ക്കും അജു വർഗീസും എതിരെ ഹൈക്കോടതിയുടെ നോട്ടീസ്. റമ്മി കളി തടയണമെന്നാവശ്യപ്പെട്ടുള്ള ഹര്‍ജിയിലാണ് കോടതിയുടെ ഇടപെടൽ ഉണ്ടായത്. തൃശൂര്‍ സ്വദേശിയായ പോളി വര്‍ഗീസാണ് ഹർജിയുമായി ഹൈക്കോടതിയെ സമീപിച്ചത്.
സംസ്ഥാന സര്‍ക്കാരിനോട് ഹൈക്കോടതി ഇക്കാര്യത്തിൽ വിശദീകരണം തേടിയിട്ടുണ്ട്. ഓണ്‍ലൈന്‍ പ്ലാറ്റ്‌ഫോമുകളില്‍ ഓണ്‍ലൈന്‍ ആയുള്ള റമ്മി മത്സരങ്ങള്‍ ധാരാളമായി വരുകയാണ്. റമ്മി മത്സരങ്ങള്‍ നിയമപരമായി തടയണം എന്നാണ്ഹര്‍ജിയിലെ ഉന്നയിച്ചിട്ടുള്ള മുഖ്യ ആവശ്യം.
ബ്രാന്‍ഡ്‌ അംബാസിഡര്‍മാരായ താരങ്ങള്‍ പ്രേക്ഷകരെ ആകര്‍ഷിക്കുകയും മത്സരത്തില്‍ പങ്കെടുപ്പിക്കുകയും ചെയ്തുവെന്നും ഹര്‍ജിയില്‍ ചൂണ്ടിക്കാണിക്കുന്ന സാഹചര്യത്തിലാണ് ഹൈക്കോടതി മൂന്ന് പേര്‍ക്കും നോട്ടീസ് അയക്കാന്‍ ഉത്തരവായിരിക്കുന്നത്. നോട്ടീസിന് മറുപടി ലഭിച്ച ശേഷം കോടതി, കേസിൽ വിശദമായ വാദം കേള്‍ക്കുന്നതാണ്.
