റോഡരികില്‍ നിന്ന നാലുപേരെ ഇടിച്ചിട്ട് കാര്‍,കാര്‍ നശിപ്പിച്ച് അഞ്ജാതര്‍
കുഞ്ചിത്തണ്ണി; നല്ലിക്കാട് സ്വദേശി മണിയുടെ ഉടമസ്ഥതയിലുള്ള കാറാണ് ശനി വൈകിട്ട് അഞ്ചരയോടെ കത്തിനശിച്ചത്. ഇരുപതേക്കര്‍ നെല്ലിക്കാട്ടില്‍ റോഡരികില്‍ നിന്ന 4 പേരെ ഇടിച്ചിട്ട കാറിന് രാത്രിയില്‍ അജ്ഞാതര്‍ തീയിട്ടെന്നാണ് പരാതി. കാര്‍ ഇടിച്ചു പരുക്കേറ്റ നെല്ലിക്കാട് കുന്നുംപുറത്ത് അജി (42), നിത്യ (30), ആര്‍.കണ്ണന്‍ (40 മൂലക്കട വാഴയില്‍ സുധാകരന്‍ (55) എന്നിവര്‍ അടിമാലിയിലെ വിവിധ ആശുപത്രികളില്‍ ചികിത്സയിലാണ്.
അപകടം നടക്കുമ്പോള്‍ മണിയാണ് വാഹനം ഓടിച്ചിരുന്നത്. മണിയും അജിയും തമ്മില്‍ മുന്‍പും ചില പ്രശ്‌നങ്ങള്‍ ഉണ്ടായിരുന്നതായി പൊലീസ് പറഞ്ഞു. അപകടത്തെ തുടര്‍ന്ന് പ്രകോപിതരായ നാട്ടുകാരില്‍ ചിലര്‍ വാഹനം തല്ലിത്തകര്‍ക്കാന്‍ ശ്രമിച്ചിരുന്നു. രാജാക്കാട് പൊലീസ് സ്ഥലത്ത് എത്തിയെങ്കിലും മണിയെ കണ്ടെത്താന്‍ കഴിഞ്ഞില്ല.
സമീപത്തെ ഏലത്തോട്ടത്തിനു സമീപം നിര്‍ത്തിയിട്ടിരുന്ന കാര്‍ അര്‍ധരാത്രിയോടെ അജ്ഞാതര്‍ കത്തിക്കുകയായിരുന്നെന്ന് പൊലീസ് പറഞ്ഞു. മനഃപൂര്‍വം കൊലപ്പെടുത്താനുള്ള ശ്രമമായിരുന്നെന്ന് പരുക്കേറ്റവര്‍ മൊഴി നല്‍കിയതിന്റെ അടിസ്ഥാനത്തില്‍ കൊലപാതക ശ്രമം അടക്കമുള്ള വകുപ്പുകള്‍ ചേര്‍ത്ത് മണിക്കെതിരെ കേസ് എടുത്തതായി രാജാക്കാട് സിഐ എച്ച്.എല്‍.ഹണി പറഞ്ഞു. വാഹനം കത്തിച്ച സംഭവത്തിലും പൊലീസ് കേസ് എടുത്തു.
