ത​മി​ഴ്നാ​ട്ടി​ല്‍ കോ​വി​ഡ് വ്യാ​പ​ന​ത്തിന് അറുതിയില്ല.

ത​മി​ഴ്നാ​ട്ടി​ല്‍ കോ​വി​ഡ് വ്യാ​പ​ന​ത്തിന് അറുതിയില്ല. വെ​ള്ളി​യാ​ഴ്ച മാ​ത്രം 2,115 കോ​വി​ഡ് കേ​സു​ക​ളാ​ണ് പു​തു​താ​യി റി​പ്പോ​ര്‍​ട്ട് ചെയ്യപ്പെട്ടത്. വെ​ള്ളി​യാ​ഴ്ച 41 പേ​ര്‍ ആണ് കോ​വി​ഡ് ബാ​ധി​ച്ച്‌ മരണപ്പെട്ടത്. ഇ​തോ​ടെ കോ​വി​ഡ് ബാ​ധി​ച്ച്‌ മ​രി​ച്ച​വ​രു​ടെ എ​ണ്ണം സംസ്ഥാനത്ത് 666 ആ​യി.

തമിഴ്‌നാട്ടിലെ കോ​വി​ഡ് ബാ​ധി​ച്ച​വ​രു​ടെ എ​ണ്ണം അ​ര​ല​ക്ഷം ക​വി​ഞ്ഞിരിക്കുകയാണ്. വെ​ള്ളി​യാ​ഴ്ചത്തെ ക​ണ​ക്കു​ക​ള്‍ കൂ​ടി ചേ​ര്‍​ത്ത് 54, 449 പേ​ര്‍​ക്കാ​ണ് ആ​കെ കോ​വി​ഡ് ബാ​ധി​ച്ച​ത്. വി​ദേ​ശ​ത്ത് നി​ന്നെ​ത്തി​യ​വ​ര്‍ മൂ​ന്ന് പേ​രും, മ​റ്റ് സം​സ്ഥാ​ന​ങ്ങ​ളി​ല്‍ നി​ന്നെ​ത്തി​യ 37 പേ​ര്‍​ക്കു​മാ​ണ് വെള്ളിയാഴ്ച കോ​വി​ഡ് സ്ഥി​രീ​ക​രി​ച്ച​ത്. ചെ​ന്നൈ​യി​ല്‍ മാ​ത്രം 1200 ല​ധി​കം പേ​ര്‍​ക്കാ​ണ് വൈ​റ​സ് ബാ​ധ സ്ഥി​രീ​ക​രി​കരിക്കപ്പെട്ടത്. വെള്ളിയാഴ്ച 27,537 പേ​രു​ടെ സ്ര​വ​മാ​ണ് പ​രി​ശോ​ധ​ന​യ്ക്ക് അ​യ​ച്ച​ത്. ഇ​തോ​ടെ സം​സ്ഥാ​ന​ത്ത് നിന്ന് മൊത്തം 8, 27,980 പേ​​രു​ടെ സ്ര​വ​മാ​ണ് പ​രി​ശോ​ധ​ന​യ്ക്ക് അ​യ​ക്കപ്പെട്ടത്. വെള്ളിയാഴ്ച രോ​ഗം സ്ഥി​രീ​ക​രി​ച്ച​വ​രി​ല്‍ 1,279 പേ​ര്‍ പു​രു​ഷ​ന്‍​മാ​രും 836 പേ​ര്‍ സ്ത്രീ​ക​ളു​മാ​ണ്. ഇ​തു​വ​രെ രോ​ഗം സ്ഥി​രി​ക​രി​ച്ച​വ​രി​ല്‍ സ്ത്രീ​ക​ളു​ടെ എ​ണ്ണം 20,909 ആ​ണ്. വെള്ളിയാഴ്ച 1, 630 പേ​ര്‍ രോ​ഗ​മു​ക്ത​രാ​യി ആ​ശു​പ​ത്രി വിട്ടതാണ് ആശ്വാസം പകരുന്നത്.