ഓൺലൈൻ അധ്യയനം: അവസരങ്ങളും സാധ്യതകളൂം
നമ്മുടെ വിദ്യാഭ്യാസരംഗം കോവിഡ് പ്രതിസന്ധിയെ പല രീതിയിൽ നേരിട്ടുകൊണ്ടിരിക്കുകയാണ്. വിസിറ്റേഴ്സ് ചാനലിലെ ഫസ്റ്റ് ബെല്ലും ഓൺലൈൻ പരീക്ഷകളും വെബിനാറുകളുമൊക്കെ നമുക്ക് സുപരിചിതമായി കഴിഞ്ഞിരിക്കുന്നു. അതോടൊപ്പം പുതിയ ചില അധ്യയന, പരിശീലന രീതികൾ ഓൺലൈന്റെ സഹായത്തോടെ നടപ്പിൽ വരുത്തി ശ്രദ്ധേയമാവുകയാണ് ലീഡ് ഐ.എ.എസിലെ ഒരു കൂട്ടം ചെറുപ്പക്കാർ. ഓൺലൈൻ വിദ്യാഭ്യാസത്തിന്റെ സാധ്യതകൾ വെറും ക്ലാസ്സുകൾ നടത്തുന്നതിലും പരീക്ഷകൾ നടത്തുന്നതിലും ഒതുങ്ങിനിൽക്കുന്നതല്ലെന്ന് ഇവർ തെളിയിക്കുന്നു.
ലോക്ക് ഡൗൺ പ്രഖ്യാപിച്ചതിനുശേഷം 2020 ഏപ്രിൽ മാസത്തിലാണ് തിരുവനന്തപുരത്ത് ഈ സ്ഥാപനം പ്രവർത്തനം ആരംഭിക്കുന്നത്. സിവിൽ സർവീസ് മെയിൻ പരീക്ഷയ്ക്ക് തയ്യാറെടുക്കുന്നതിനുവേണ്ടി നാലു സുഹൃത്തുക്കൾ ചേർന്ന് രൂപീകരിച്ച സ്റ്റഡിസർക്കിളാണ് പിന്നീട് ലീഡ് ഐ.എ.എസായി മാറുന്നത്. ഉത്തരമെഴുത്ത് പരിശീലിക്കാനായുള്ള അതിരാവിലെയുള്ള ഇവരുടെ ഒത്തുചേരലുകളിൽ പഠന രീതികളെക്കുറിച്ചും കോച്ചിംഗ് മേഖലകളെക്കുറിച്ചുമുള്ള ചർച്ചകളും പതിവായി. ഈ നാല് പേരിൽ ഒരാൾ ഐ എ എസ്-ലേക്കും മറ്റൊരാൾ ഐ ആർ എസ് -ലേക്കും തെരഞ്ഞെടുക്കപ്പെട്ടു കഴിഞ്ഞു. പഠനം എളുപ്പവും ഫലപ്രദവുമാക്കാനായി ഇവർ ഉപയോഗിച്ച പല രീതികളുമാണ് പിന്നീട് ലീഡ് ഐ.എ.എസിൽ അക്കാഡമിക് പ്രോഗ്രാമുകളായി മാറുന്നത്.
എന്നിരുന്നാലും പ്രവർത്തനമാരംഭിച്ചു ഉള്ള ആദ്യത്തെ മാസങ്ങൾ എളുപ്പമായിരുന്നില്ല. ക്ലാസുകൾ നടത്താൻ ഒരു കെട്ടിടം വാടകയ്ക്കെടുത്തപ്പോഴേക്കും ലോക് ഡൗൺ പ്രഖ്യാപിച്ചു. ലോക് ഡൗൺ കാരണം ആറുമാസത്തോളം ഈ സ്ഥാപനം പൂട്ടി ഇടേണ്ടിവന്നു. പക്ഷേ എന്ത് വിലകൊടുത്തും മുന്നോട്ടു പോകണം എന്ന നിലപാടിൽ തന്നെയായിരുന്നു ഇതിന്റെ സ്ഥാപകർ. അങ്ങനെ ലീഡിന്റെ ആദ്യത്തെ അക്കാദമിക് പ്രോഗ്രാമായ ‘പ്രിലിംസ് കില്ലർ’ കോഴ്സ് നടത്താൻ ലോക് ഡൗൺ സമയത്ത് ആറു ജില്ലകളിൽ ഇരുന്ന് 10 മെന്റർസ് ജോലിചെയ്തു.
പ്രിലിംസ് കില്ലർ കോഴ്സിന്റെ ഭാഗമായി ലീഡ് നടപ്പാക്കിയ പ്രിലിംസ് സിമുലേറ്റർ ഓൺലൈനിന്റെ സാധ്യതകൾ പരമാവധി പ്രയോജനപ്പെടുത്തിയുള്ള ഒരു അക്കാഡമിക് പ്രോഗ്രാമായിരുന്നു.
കോച്ചിങ് മേഖലയിൽ മാതൃകാ പരീക്ഷകൾ നടത്തുന്നത് സാധാരണയാണ്. എന്നാൽ പരീക്ഷാസമയത്തുണ്ടാകുന്ന സമ്മർദ്ദങ്ങളെ അതിജീവിച്ചുകൊണ്ട് സമയക്രമം പാലിച്ചുകൊണ്ട് എങ്ങനെ ചോദ്യങ്ങളെ അഭിമുഖീകരിക്കാം എന്ന് ഒരു അധ്യാപകൻ സ്വയം കാണിച്ചുകൊടുക്കുന്ന Real Time Experience ലീഡിന്റെ prelims simulator പരിപാടിയുടെ സവിശേഷതയായിരുന്നു. ഒരു പ്രേലിംസ് എക്സ്പർട്ട് പരീക്ഷയെ എങ്ങനെയാണ് സമീപിക്കുന്നത് എന്ന് നേരിട്ട് കണ്ട് മനസ്സിലാക്കാനുള്ള ഈ അവസരം, പഠിതാക്കൾക്ക് പുതിയ ഉൾക്കാഴ്ച നൽകുന്ന ഒന്നായിരുന്നു. “Zoom പോലെയുള്ള ഓൺലൈൻ പ്ലാറ്റ്ഫോമിലൂടെ സാധിക്കുന്ന സ്ക്രീൻ ഷെയറിംഗ് സംവിധാനം വഴി മാത്രമേ ഇങ്ങനെയൊരു സെക്ഷൻ സംഘടിപ്പിക്കാൻ കഴിയുമായിരുന്നുള്ളൂ. ഒരു പ്രേലിംസ് എക്സ്പർട്ട് ചിന്തിക്കുന്നതും ചോദ്യപേപ്പറിൽ കുത്തികുറിക്കുന്നതും OMR ഷീറ്റിൽ ഉത്തരം രേഖപ്പെടുത്തുന്നതുമെല്ലാം തത്സമയം വിദ്യാർത്ഥികൾ നിരീക്ഷിക്കുകയായിരുന്നു”. പ്രലിംസ് മെന്ററായ ഡോ. സാന്ദ്ര പറയുന്നു.
Peer- to-Peer Learning പഠനത്തിന് പുത്തൻ മാതൃക സൃഷ്ടിക്കാൻ ഓൺലൈൻ പ്രോഗ്രാമിന് സാധിച്ചിട്ടുണ്ട്. നാല് വിദ്യാർഥികൾ വീതമുള്ള ചെറു ഗ്രൂപ്പുകളിലായി സംഘടിപ്പിച്ച വർക് ഷോപ്പുകൾ എഴുത്തു പരിശീലനത്തിന് ഏറെ സഹായകരമായിരുന്നു. ഒരു മെന്ററിന്റെ സാനിദ്ധ്യത്തിൽ ഓരോ വിദ്യാർഥിയുടെയും ഉത്തരം സ്ക്രീൻ ഷെയർ ചെയ്ത് താരതമ്യം ചെയ്തുകാണിച്ചുകൊണ്ടായിരുന്നു ഈ പരിശീലനപരിപാടി നടത്തിയിരുന്നത്. അതുപോലെതന്നെ പ്രലിംസ് മോക്ക് ടെസ്റ്റുകൾക്ക് ശേഷം 10 പേരടങ്ങുന്ന ഗ്രൂപ്പുകളായി റൗണ്ട് ടേബിൾ ചർച്ചകൾ സംഘടിപ്പിച്ചിരുന്നു. ഓരോരുത്തരുടെയും ചിന്തകളും അറിവുകളും പങ്കുവെക്കാനും ഒന്നിച്ച് പഠിക്കുവാനും ഈ കൂട്ടായ്മ അവസരമൊരുക്കുകയായിരുന്നു. ഇത്തരത്തിലുള്ള ചെറിയ പഠനക്കൂട്ടായ്മകൾ ക്ലാസ്റൂമിലെ പോലെ കുട്ടികൾക്ക് ഇടപെടാനും ഓൺലൈനിന്റെ പരിമിതികളെ മറികടക്കാനും സഹായിച്ചു.
ഇതിനിടയിൽ ഇൻസ്റ്റന്റ് മെസ്സേജിങ്ങ് അപ്പായ ടെലിഗ്രാമിന്റെ സാധ്യതകൾ വിദ്യാഭ്യാസ ആവശ്യത്തിനായി എങ്ങനെ ഉപയോഗിക്കാമെന്നും ലീഡ് ഐ.എ.എസ്. ആദ്യമായി കാണിച്ചുതന്നു. ഇവർ നിർമ്മിച്ചെടുത്ത ടെലഗ്രാം ബോട്ട്, വിദ്യാഭ്യാസ മേഖലയിൽ ഇത്തരത്തിലുള്ള ആദ്യത്തെ ചുവടുവെപ്പാണ്. ഈ ഓട്ടോമേറ്റഡ് ബോട്ടിലൂടെ പരിശീലന സംബന്ധിയായ എല്ലാ വിവരങ്ങളും പഠനസഹായികളും ഏതുസമയവും ലഭ്യമാകുന്നു. കൂടാതെ ലീഡിന്റെ ഫൈറ്റേഴ്സ് ക്ലബ് എന്ന ടെലിഗ്രാം ഗ്രൂപ്പിൽ രണ്ടായിരത്തി അഞ്ഞൂറിലേറെ വിദ്യാർത്ഥികൾ കമ്മ്യൂണിറ്റി ലേണിംഗിന്റെ സാധ്യതകൾ ഉപയോഗപ്പെടുത്തുന്നു.
ഉത്തരമെഴുത്ത് മെച്ചപ്പെടുത്താനുള്ള പതിവ് രീതികളിൽ നിന്ന് മാറ്റം കൊണ്ടുവരാനും ഓൺലൈനിന്റെ സാധ്യതകൾ ലീഡ് പ്രയോജനപ്പെടുത്തി. 1750 മാർക്കിനെ വിവരണാത്മക പരീക്ഷയാണ് സിവിൽ സർവീസ് മെയിൻസ്. അതിനാൽ തന്നെ മെയിൻസിന് നല്ല മാർക്ക് കിട്ടാൻ എഴുത്തു ശൈലിയും അവതരണ രീതിയുമെല്ലാം മെച്ചപ്പെടുത്തേണ്ടതുണ്ട്. സാധാരണരീതിയിൽ ആഴ്ചയിൽ ഒന്നു വീതം എഴുത്തുപരീക്ഷ നടത്തി ഫീഡ്ബാക്ക് കൊടുക്കാറാണ് പതിവ്. എന്നാൽ ലീഡ് ഐഎഎസ് ഈ പതിവ് ശൈലിക്കു പകരം ദൈനംദിന ഉത്തരമെഴുത്ത് പരിശീലനത്തിന് തുടക്കമിട്ടു. ഓൺലൈൻ സംവിധാനങ്ങൾ മെന്റേഴ്സുമായി എളുപ്പത്തിൽ ഇടപെടാനുള്ള സൗകര്യമൊരുക്കി. ഈ സാധ്യതയെ പ്രയോജനപ്പെടുത്തിയതുകൊണ്ടാണ് ദിവസംതോറുമുള്ള ഉത്തരമെഴുത്തും അതിന്റെ ഫീഡ്ബാക്കും സാധ്യമായത്.
ഓൺലൈൻ വിദ്യാഭ്യാസം കൊണ്ടുവന്ന ഏറ്റവും വലിയ മെച്ചം അതിന്റെ വൈപുല്യം മാത്രമല്ല, അത് അക്കാഡമിക്ക് പ്രവർത്തനങ്ങളുടെ നൈരന്തര്യത്തിലേക്കും നയിച്ചു എന്നതാണ്. രാവിലെ 7 മുതൽ രാത്രി 10 വരെയും അക്കാദമിക് പ്രവർത്തനങ്ങൾ ഇന്ന് തടസ്സമില്ലാതെ നടത്താൻ സാധിക്കുന്നുണ്ട്. മാത്രമല്ല, ഓരോ വിദ്യാർത്ഥിയുമായി നിരന്തരം ആശയവിനിമയം നടത്തി അവരുടെ പഠനത്തെ മുൻപത്തേക്കാൾ ഫലപ്രദമായി ട്രാക്ക് ചെയ്യാൻ ഓൺലൈൻ രീതി സഹായകരമാകുന്നുണ്ട്. ക്ലാസ്സുകൾ അറ്റന്റ് ചെയ്ത് വിദ്യാർത്ഥി തിരിച്ച് പോയിരുന്ന സ്ഥാനത്ത് എല്ലാ ദിവസവും ടെസ്റ്റുകളും വർക്ക്ഷോപ്പുകളും ഒന്നിന് പുറകെ മറ്റൊന്നെന്ന രീതിയിൽ നടത്താൻ ഓൺലൈൻ സൗകര്യമുള്ളതുകൊണ്ട് സാധിച്ചു. അതിനാൽ തന്നെ റിലേ ലേണിംഗ് എന്ന നൂതനമായൊരു പരിശീലന സമ്പ്രദായവും ലീഡിൽ ഉരുത്തിരിഞ്ഞു. ഓൺലൈൻ വിദ്യാഭ്യാസത്തിന്റെ മറ്റാരും കാണാതിരുന്ന സാധ്യതകളിൽ ഒന്നായിരുന്നു റിലേ ലേണിംഗ്.
“ലോക് ഡൗൺ മൂലം യാതൊരുവിധ അക്കാദമിക് സേവനങ്ങളും ലഭ്യമല്ലാതിരുന്ന സമയത്ത് സിവിൽ സർവീസ് വിദ്യാർഥികൾക്ക് താങ്ങായി നിൽക്കണം എന്നതായിരുന്നു ഞങ്ങളുടെ ആഗ്രഹം. അതിനായുള്ള പരിശ്രമത്തിനിടയിൽ സ്വാഭാവികമായി ഉരുത്തിരിഞ്ഞു വന്നവയാണ് ഈ Relay learning, hybrid learning solutions എല്ലാം. തുടങ്ങിവെച്ച പുത്തൻ പഠനപ്രവർത്തനങ്ങളെ ഏറെക്കുറെ പ്രൊഫഷണലൈസ് ചെയ്യാൻ ഇതിനോടകം സാധിച്ചിട്ടുമുണ്ട്. ഓഫ് ലൈൻ സെക്ഷനുകൾ പൂർണമായി ആരംഭിച്ചാലും ഈ ഓൺലൈൻ പ്രവർത്തനങ്ങൾ തുടരണമെന്ന് തന്നെയാണ് ഞങ്ങളുടെ തീരുമാനം.”. ലീഡിന്റെ സ്ഥാപകരിലൊരാളായ ശരത്ത് പറഞ്ഞുനിർത്തുന്നു.