Kerala NewsLatest News

വര്‍ക്കലയില്‍ യുവാവിനെ വെട്ടിക്കൊലപ്പെടുത്താന്‍ ശ്രമം

തിരുവനന്തപുരം: വര്‍ക്കലയില്‍ യുവാവിനെ വെട്ടിക്കൊലപ്പെടുത്താന്‍ ശ്രമം. ഗുണ്ടാ കുടിപ്പകയുടെ ഭാഗമായാണ് യുവാവിനെ മാരകമായി വെട്ടി കൊലപ്പെടുത്താന്‍ ശ്രമം നടത്തിയത്. വര്‍ക്കല വെട്ടൂര്‍ ചുമട്താങ്ങി ജംഗ്ഷന് സമീപം ബൈക്കില്‍ സഞ്ചരിച്ച ആസാദ് (32) എന്ന യുവാവിനെ ആണ് വെട്ടിക്കൊലപ്പെടുത്താന്‍ ശ്രമിച്ചത്.
ഗുരുതര പരിക്കുകളോടെ യുവാവിനെ തിരുവനന്തപുരം കിംസ് ആശുപത്രിയില്‍ പ്രവേശിപ്പിച്ചു.

സഹോദരങ്ങള്‍ ആയ ഷൈജുവും മാഹിനും ബുള്ളറ്റില്‍ എത്തി വാള്‍ ഉപയോഗിച്ച് വെട്ടി കൊലപ്പെടുത്താന്‍ ശ്രമിക്കുകയായിരുന്നു. മുന്‍വൈരാഗ്യവും കുടിപ്പകയുമാണ് ആക്രമണത്തിന് കാരണമെന്നാണ്് പൊലീസ് പറഞ്ഞത്.

മാസങ്ങള്‍ക്ക് മുന്‍പ് ഷൈജുവിനെ ആസാദ് വെട്ടി പരിക്കേല്പിച്ചിരുന്നു. ഇതിന് പകരം വീട്ടാന്‍ ആണ് സഹോദരന്‍ ആയ മാഹിനെയും കൂട്ടി വന്ന് ആക്രമണം നടത്തിയത്. 12 ഓളം വെട്ടുകള്‍ ആണ് ആസാദിന്റെ ശരീരത്തില്‍ ഉള്ളത്.

ആസാദിന്റെയും ദൃക്സാക്ഷികളുടെയും മൊഴിയുടെ അടിസ്ഥാനത്തില്‍ ഷൈജു, മാഹിന്‍ എന്നിവര്‍ക്ക് എതിരെ കേസെടുത്തു്. സംഭവത്തില്‍ വര്‍ക്കല ഡിവൈഎസ്പി ബാബുകുട്ടന്റെ നേതൃത്വത്തിലുള്ള സംഘം അന്വേഷണം ആരംഭിച്ചു.

Related Articles

Leave a Reply

Your email address will not be published. Required fields are marked *

Back to top button