കംബോഡിയ- തായ്‌ലൻഡ് സംഘർഷത്തിന് പിന്നിലെ കാരണം; പ്രീഹ് വിഹാർ ക്ഷേത്രം
900 വർഷം പഴക്കമുള്ള പ്രീഹ് വിഹാർ ശിവക്ഷേത്രത്തെ ചുറ്റിപ്പറ്റിയുള്ള ഭൂമി തർക്കമാണ് കംബോഡിയ- തായ്‌ലൻഡ് സംഘർഷത്തിന് പിന്നിലെ കാരണം. ഡാൻഗ്രേക്ക് മലഞ്ചെരിവിൽ സ്ഥിതി ചെയ്യുന്ന ഈ ക്ഷേത്രം കംബോഡിയയ്ക്കും തായ്‌ലൻഡിനും മതപരമായി പ്രാധാന്യമുള്ള സ്ഥലമാണ്. സമീപത്തെ താ മുഎൻ തോം ക്ഷേത്രവും തർക്ക മേഖലയിലാണ്.
അരനൂറ്റാണ്ടിലേറെയായി ഈ അവകാശ തർക്കം തുടരുന്നു. 1907-ൽ ഫ്രഞ്ച് കൊളോണിയൽ ഭരണകാലത്ത് തയ്യാറാക്കിയ ഭൂപടത്തെ അടിസ്ഥാനമാക്കി കംബോഡിയ അവകാശവാദം ഉന്നയിക്കുന്നു. ഈ ഭൂപടം തെറ്റാണെന്ന് തായ്‌ലൻഡ് ആരോപിക്കുന്നു. 1962-ൽ അന്താരാഷ്ട്ര നീതിന്യായ കോടതി കംബോഡിയയ്ക്ക് അനുകൂലമായി വിധി പ്രഖ്യാപിച്ചു, 2013-ൽ വീണ്ടും സമാനമായ വിധി പുറപ്പെടുവിച്ചു.
എമറാൾഡ് ട്രയാംഗിൾ പ്രദേശത്ത് മേയ് മാസത്തിൽ നടന്ന തായ് സൈന്യത്തിന്റെ ആക്രമണത്തിൽ ഒരു കംബോഡിയൻ സൈനികൻ കൊല്ലപ്പെട്ടത്, പുതിയ സംഘർഷത്തിന് തുടക്കമായി. തുടർന്ന് ഷെല്ലാക്രമണവും വ്യോമാക്രമണവും ഇരുരാജ്യങ്ങളും നടത്തി. ആശുപത്രികളും ജനവാസ മേഖലകളും ആക്രമണത്തിൽ ബാധിച്ചു.
കംബോഡിയ ഡ്രോണുകൾ വിന്യസിച്ച് സൈനിക കേന്ദ്രങ്ങളെ നിരീക്ഷിച്ചു. തായ് സേന കംബോഡിയയുടെ പരമാധികാരം ലംഘിച്ചു. ഇതാണ് ആക്രമണത്തിന് പിന്നിലെ കാരണം.
1904–1907 കാലഘട്ടത്തിൽ ഫ്രഞ്ച് ഭരണകാലത്ത് ഇരുരാജ്യങ്ങളും അതിർത്തി കരാറുകളിൽ ഒപ്പുവച്ചു. നദികളും നീർത്തടങ്ങളും അടിസ്ഥാനമാക്കി ഭൂപടങ്ങൾ തയ്യാറാക്കിയെങ്കിലും, പ്രീഹ് വിഹാർ പോലുള്ള സാംസ്‌കാരിക കേന്ദ്രങ്ങളുടെ രേഖപ്പെടുത്തലിൽ ആശയക്കുഴപ്പം ഉണ്ടായി. ആദ്യം തായ്‌ലൻഡ് അംഗീകരിച്ചെങ്കിലും, പിന്നീട് കരാറിലെ പിഴവുകൾ ചൂണ്ടിക്കാട്ടി എതിർപ്പ് രേഖപ്പെടുത്തി.
നിലവിൽ തായ്‌ലൻഡിൽ സ്ഥിതി ചെയ്യുന്ന താ മുഎൻ തോം ക്ഷേത്രത്തെയും ചുറ്റുമുള്ള പ്രദേശത്തെയും ചുറ്റിപ്പറ്റിയാണ് പുതിയ സംഘർഷം ശക്തിപ്രാപിക്കുന്നത്. ഇരുരാജ്യങ്ങളും തമ്മിലുള്ള ചരിത്രപരവും സാംസ്‌കാരികവുമായ തർക്കം ഇപ്പോഴും പരിഹരിക്കപ്പെടാതെ തുടരുന്നു.
Tag: reason behind the Cambodia-Thailand conflict; Preah Vihar Temple
