കാണിക്കല്‍ നോട്ടീസിന് മറുപടി നല്‍കാന്‍ കൂടുതല്‍ സമയം വേണമെന്ന ആവശ്യവുമായി ഡോക്ടര്‍ ഹാരിസ് ഹസൻ

തിരുവനന്തപുരം മെഡിക്കല്‍ കോളജിലെ ഡോക്ടര്‍ ഹാരിസ് ഹസന് കാരണം കാണിക്കല്‍ നോട്ടീസിന് മറുപടി നല്‍കാന്‍ കൂടുതല്‍ സമയം വേണമെന്ന് ആവശ്യപ്പെട്ടു. ഈ മാസം 4 മുതല്‍ അവധിയിലായിരുന്ന ഹാരിസിന്, ജൂലൈ 29ന് ലഭിച്ച നോട്ടീസിന് മറുപടി നല്‍കാനുള്ള സമയം കഴിഞ്ഞതോടെയാണ് പുതിയതായി സമയം ചോദിച്ചത്.

വിദഗ്ധ സമിതി റിപ്പോര്‍ട്ടിന്റെ പകര്‍പ്പ് ലഭിച്ച ശേഷമേ സമഗ്രമായ മറുപടി നല്‍കാനാകൂവെന്ന നിലപാടിലാണ് ഹാരിസ്. റിപ്പോര്‍ട്ടിന്റെ ഉള്ളടക്കം അറിഞ്ഞതിന് ശേഷമേ വിശദീകരണം നല്‍കാനാകൂ എന്നും അതിനായി മറ്റൊരു വ്യക്തിയിലൂടെ വിവരാവകാശ അപേക്ഷ നല്‍കിയിട്ടുണ്ടെന്നും അദ്ദേഹം വ്യക്തമാക്കി.

അതേസമയം, മെഡിക്കല്‍ കോളജില്‍ നിന്ന് യൂറോളജി വിഭാഗത്തിലെ ചില ഉപകരണങ്ങള്‍ കാണാതായ സംഭവത്തില്‍ മെഡിക്കല്‍ വിദ്യാഭ്യാസ ഡയറക്ടര്‍ ഇന്നും നാളെയും നേരിട്ടെത്തി പരിശോധന നടത്തും. ഹാരിസില്‍ നിന്നുള്ള വിശദമായ മൊഴിയും ഈ സന്ദര്‍ഭത്തില്‍ രേഖപ്പെടുത്തും.

യൂറോളജി വിഭാഗത്തിലെ പ്രവർത്തനത്തിലെ പ്രശ്നങ്ങൾ മാധ്യമങ്ങളിലൂടെ ഡോ. ഹാരിസ് ഹസന്‍ പുറത്ത് പറഞ്ഞതിനു ശേഷമാണ് വിവാദം ഉയർന്നത്. അദ്ദേഹത്തോട് വിശദീകരണം തേടിയത് അതിന്റെ ഭാഗമായുള്ള നിസ്സാര നടപടിയാണെന്ന് മെഡിക്കല്‍ വിദ്യാഭ്യാസ വകുപ്പ് നേരത്തെ വ്യക്തമാക്കിയിരുന്നു. ഹാരിസ് സേവന ചട്ടം ലംഘിച്ചുവെന്നാണ് കണ്ടെത്തല്‍. വിശദീകരണം എഴുത്തായി അല്ലെങ്കില്‍ നേരിട്ട് നല്‍കാമെന്നും, വിശദീകരണം അംഗീകരിക്കാവുന്നതായിരുന്നാല്‍ അച്ചടക്കനടപടി ഉണ്ടായിരിക്കില്ലെന്നും വകുപ്പ് അറിയിച്ചിട്ടുണ്ട്.

ശസ്ത്രക്രിയ വിഭാഗത്തിലെ പ്രശ്നങ്ങൾ മാധ്യമങ്ങളിലൂടെയാണ് ഹാരിസ് ഉയർത്തിയത്. പക്ഷേ, അങ്ങനെ മുന്നോട്ടുവച്ചത് സദുദ്ദേശത്തോടെയാണെങ്കിലും, നടപടി സേവന ചട്ടലംഘനം ആണെന്ന് അന്വേഷണ സമിതി വിലയിരുത്തിയിരുന്നു. യൂറോളജി വിഭാഗത്തിലെ ഉപകരണം കാണാതായതുമായി ഈ വിഷയത്തെ കൂട്ടിക്കുഴക്കേണ്ടതില്ലെന്നും മെഡിക്കല്‍ വിദ്യാഭ്യാസ വകുപ്പ് വ്യക്തമാക്കി.

Tag: Dr. Haris Hasan seeks more time to respond to show cause notice