”ആരോപണങ്ങൾക്ക് പിന്നിൽ പൊലീസിനകത്തെ ഗൂഢാലോചന” – എം.ആർ. അജിത് കുമാർ

അനധികൃത സ്വത്ത് സമ്പാദനക്കേസിൽ തനിക്കെതിരായ ആരോപണങ്ങൾക്ക് പിന്നിൽ പൊലീസിനകത്തെ ഗൂഢാലോചനയാണെന്നു എം.ആർ. അജിത് കുമാർ ആരോപിച്ചു. പൊലീസുകാർ വ്യാജരേഖകൾ ചമച്ചതാണ് ആരോപണത്തിന് അടിസ്ഥാനം എന്നും, അതിന്മേൽ അന്വേഷണം വേണമെന്നും അദ്ദേഹം മൊഴിയിൽ വ്യക്തമാക്കി. ഭാര്യയ്ക്ക് പിതാവ് നൽകിയ ഭൂമിയിലാണ് വീടു നിർമ്മിച്ചതെന്നും, ഫ്ലാറ്റ് മറിച്ചു വിറ്റ് ലാഭം നേടിയിട്ടില്ലെന്നും, എസ്ബിഐയിൽ നിന്നെടുത്ത വായ്പയുടെ വിവരങ്ങൾ ഉൾപ്പെടെ വിജിലൻസിന് നൽകിയ മൊഴിയിൽ അദ്ദേഹം വിശദീകരിച്ചു.

പി.വി. അൻവറിന്റെ വഴിതിരിച്ച ഇടപാടുകൾക്ക് വഴങ്ങാത്തതാണ് ആരോപണങ്ങൾക്ക് പിന്നിലെ യഥാർത്ഥ കാരണം എന്നും അജിത് കുമാർ പറഞ്ഞു. മുഖ്യമന്ത്രിയുടെ ഓഫീസ് നിർദ്ദേശപ്രകാരം അൻവറുമായി കൂടിക്കാഴ്ച നടത്തിയതായും, അത് സുഹൃത്ത് നജീബിന്റെ വീട്ടിലായിരുന്നു എന്നും മൊഴിയിൽ രേഖപ്പെടുത്തിയിട്ടുണ്ട്.

അജിത് കുമാറിന് ക്ലീൻചീറ്റ് നൽകിയ റിപ്പോർട്ട് തിരുവനന്തപുരം വിജിലൻസ് കോടതി തള്ളിയിരുന്നു. അന്വേഷണം തുടരുമെന്നും, പരാതിക്കാരന്റെയും സാക്ഷികളുടെയും മൊഴി നേരിട്ട് രേഖപ്പെടുത്തണമെന്നും കോടതി നിർദേശിച്ചു. ഇതോടെ അനധികൃത സ്വത്ത് സമ്പാദനക്കേസിൽ എഡിജിപി എം.ആർ. അജിത് കുമാർ കടുത്ത പ്രതിസന്ധിയിലാണ്.

Tag: Conspiracy within the police behind the allegations” – M.R. Ajith Kumar