കേരള സാഹിത്യ അക്കാദമിയുടെ സാഹിത്യോത്സവത്തില്‍ നിന്ന് ഷിജു ഖാനെ ഒഴിവാക്കിയ സംഭവം; സോഷ്യൽ മീഡിയയിൽ വിമര്‍ശനം

കേരള സാഹിത്യ അക്കാദമിയുടെ സാര്‍വദേശീയ സാഹിത്യോത്സവത്തില്‍ നിന്ന് ഡിവൈഎഫ്‌ഐ നേതാവ് ഷിജു ഖാനെ ഒഴിവാക്കി പരിപാടി റദ്ദാക്കിയ സംഭവം സോഷ്യല്‍ മീഡിയയില്‍ ശക്തമായ വിമര്‍ശനങ്ങള്‍ക്കിടയാക്കി.

വ്യത്യസ്ത ശബ്ദങ്ങളെ നിശ്ശബ്ദമാക്കാനുള്ള ഗൂഢാലോചനയും ഫ്യൂഡല്‍ മനോഭാവവും ഇതിനുപിന്നിലെന്ന് ഇടത് പ്രൊഫൈലുകളില്‍ നിന്ന് വരുന്ന പോസ്റ്റുകള്‍ ആരോപിക്കുന്നു. “ആരെ പേടിച്ചാണ് ഷിജു ഖാനെ ഒഴിവാക്കിയതെന്ന് വ്യക്തമാക്കണം” എന്ന ആവശ്യം സോഷ്യല്‍ മീഡിയയില്‍ ശക്തമായി ഉയര്‍ന്നു. സ്ഥാപിത താത്പര്യക്കൂട്ടങ്ങളുടെ ഇത്തരം ജനാധിപത്യവിരുദ്ധ നടപടികള്‍ അംഗീകരിക്കാനാകില്ല എന്നും വിമര്‍ശകര്‍ പറയുന്നു.

ശിശുക്ഷേമ സമിതിയുടെ ചുമതലയിലിരിക്കെ ദത്തുവിവാദത്തില്‍ സ്വീകരിച്ച നിലപാടിന്റെ പേരിലാണ് ഷിജു ഖാനെ ഒഴിവാക്കിയതെന്നാണ് സൂചന. അദ്ദേഹം സംസാരിച്ചാല്‍ അനുപമ ഉള്‍പ്പെടെയുള്ളവര്‍ പ്രതിഷേധിക്കുമെന്ന് ഭയന്നതിനാലാണെന്ന് റിപ്പോര്‍ട്ടുകള്‍ പറയുന്നു.

ദത്തുവിവാദത്തെ തുടര്‍ന്ന് ഷിജു ഖാന്‍ സ്വീകരിച്ച നിലപാട് വീണ്ടും ചര്‍ച്ചയായിക്കൊണ്ടിരിക്കെ, അദ്ദേഹത്തിന്റെ വിവിധ പദവികളിലെ പ്രവര്‍ത്തനങ്ങളും നിലപാടുകളും മികച്ചതായിരുന്നു എന്ന അഭിപ്രായവുമാണ് സോഷ്യല്‍ മീഡിയയിലെ ഒരു വിഭാഗം ഉയര്‍ത്തുന്നത്.

Tag: Shiju Khan’s exclusion from Kerala Sahitya Akademi’s literary festival; Criticism on social media