ഇരുപത് വർഷത്തെ അകൽച്ചയ്ക്ക് വിരാമം; രാജ് താക്കറെയുടെ വസതിയിലെത്തി ഉദ്ദവ് താക്കറെ

ശിവസേന (യുബിടി) നേതാവ് ഉദ്ദവ് താക്കറെ, മഹാരാഷ്ട്ര നവനിർമ്മാണ സെന (എംഎൻഎസ്) തലവനും ബന്ധുവുമായ രാജ് താക്കറെയുടെ വസതിയായ ശിവതീർത്ഥത്തിൽ എത്തി. ഇരുപത് വർഷത്തെ അകൽച്ചയ്ക്ക് അവസാനം കുറിക്കുന്ന സൂചനയായി സന്ദർശനം വിലയിരുത്തപ്പെടുന്നു. ഉദ്ദവിനൊപ്പം ഭാര്യ രശ്മിയും മക്കളായ ആദിത്യ, തേജസ് എന്നിവരും ഗണേശപൂജയിൽ പങ്കെടുക്കാൻ എത്തിയിരുന്നു. ചടങ്ങിന്റെ ചിത്രങ്ങൾ ഇതിനകം ശ്രദ്ധ നേടിയിട്ടുണ്ട്.

2026 ആരംഭത്തിൽ നടക്കുന്ന ബ്രിഹൻമുംബൈ മുനിസിപ്പൽ കോർപ്പറേഷൻ (ബിഎംസി) തിരഞ്ഞെടുപ്പിന് മുന്നോടിയായുള്ള രാഷ്ട്രീയ നീക്കമാണെന്ന വിലയിരുത്തലും ഉണ്ട്. 2005ലാണ് ഇരുവരുടെയും ബന്ധത്തിൽ വിള്ളൽ വീഴുന്നത്. അന്ന് ശിവസേന വിട്ട് രാജ് താക്കറെ എംഎൻഎസ് രൂപീകരിച്ചു. പിന്നീട് ഇരുവരും പൊതുവേദിയിൽ കണ്ടുമുട്ടിയിട്ടുണ്ട്. കഴിഞ്ഞ ജൂലായിൽ, സ്കൂളുകളിൽ ഹിന്ദി നിർബന്ധമാക്കാനുള്ള സർക്കാരിന്റെ തീരുമാനത്തിനെതിരെ വോർലിയിൽ നടന്ന പ്രതിഷേധവേദിയിൽ ഇരുവരും ഒന്നിച്ചു പങ്കെടുത്തിരുന്നു. അവരുടെ ശക്തമായ നിലപാടിനെത്തുടർന്ന് സർക്കാർ തീരുമാനം പിന്‍വലിച്ചിരുന്നു.

“മഹാരാഷ്ട്ര ഏതൊരു രാഷ്ട്രീയത്തേക്കാളും വലുതാണ്. 20 വർഷത്തിനുശേഷം ഞങ്ങൾ ഒന്നിച്ചു,” എന്ന് ചടങ്ങിൽ രാജ് താക്കറെ പറഞ്ഞു. “ഞങ്ങൾ ഒരുമിച്ച് നിൽക്കാൻ ഒരുമിച്ചിരിക്കുന്നു,” എന്നായിരുന്നു ഉദ്ദവ് താക്കറെയുടെ പ്രതികരണം. ബാലാസാഹെബിന് ചെയ്യാൻ കഴിഞ്ഞില്ലാത്തതു ദേവേന്ദ്ര ഫഡ്‌നാവിസ് നടത്തി – ഇരുവരെയും അടുത്തുവരുത്തിയതായി രാജ് പരാമർശിച്ചു. ഇതിന് പിന്നാലെ, ഉദ്ദവിന്റെ ജന്മദിനത്തിൽ രാജ് ‘മാതോശ്രീ’യിൽ എത്തി ആശംസകൾ നേർന്നു. അന്ന് ബാൽ താക്കറെയുടെ ചിത്രത്തിന് മുന്നിൽ ഇരുവരും ഒരുമിച്ച് പോസ് ചെയ്ത ചിത്രങ്ങളും പുറത്തുവന്നു. ഇതോടെ ഇരുവർക്കുമിടയിലെ ദീർഘകാല തർക്കം അവസാനിച്ചുവെന്ന സൂചനകൾ ശക്തമായി.

Tag: Ending 20 years of estrangement; Uddhav Thackeray visits Raj Thackeray’s residence