മകന്റെ മര്‍ദ്ദനത്തെ തുടര്‍ന്ന് ചികിത്സയിൽ കഴിയുകയായിരുന്ന സിപിഐഎം മുന്‍ നേതാവ് അന്തരിച്ചു

മകന്റെ മര്‍ദ്ദനത്തെ തുടര്‍ന്ന് ചികിത്സയിൽ കഴിയുകയായിരുന്ന സിപിഐഎം മുന്‍ നേതാവ് അന്തരിച്ചു. ഇടുക്കി രാജാക്കാട് ഖജനാപാറ സ്വദേശി ആണ്ടവര്‍ (84) ആണ് മരിച്ചത്. കഴിഞ്ഞ 24ന് രാത്രി മകന്‍ മണികണ്ഠന്റെ മര്‍ദ്ദനത്തില്‍ ഗുരുതരമായി പരുക്കേറ്റതിനെ തുടര്‍ന്നായിരുന്നു ചികിത്സ.

തമിഴ്നാട് മധുര മെഡിക്കല്‍ കോളേജിലാണ് അദ്ദേഹം ചികിത്സയില്‍ കഴിയുകയായിരുന്നു. നേരത്തെ വധശ്രമക്കുറ്റത്തില്‍ പൊലീസ് അറസ്റ്റ് ചെയ്ത മണികണ്ഠന്‍ ഇപ്പോള്‍ റിമാന്‍ഡിലാണ്. ദീര്‍ഘകാലം സിപിഐഎം രാജാക്കാട് ഏരിയാ കമ്മിറ്റി അംഗമായിരുന്നു ആണ്ടവര്‍. സംഭവം നടന്നത് 24ന് രാത്രി 11 മണിയോടെയായിരുന്നു. വാക്കുതര്‍ക്കത്തെ തുടര്‍ന്ന് മണികണ്ഠന്‍ ടേബിള്‍ ഫാനും ഫ്ലാസ്കും ഉപയോഗിച്ച് ആണ്ടവരുടെ തലയില്‍-മുഖത്ത് മര്‍ദിക്കുകയായിരുന്നു. അന്ന് വീട്ടില്‍ മറ്റു ആരും ഉണ്ടായിരുന്നില്ല. ഗുരുതരാവസ്ഥയിലായ ആണ്ടവരെ ആദ്യം തേനി മെഡിക്കല്‍ കോളജിലും തുടര്‍ന്ന് മധുര മെഡിക്കല്‍ കോളജിലുമാണ് പ്രവേശിപ്പിച്ചത്. അവിടെ തീവ്രപരിചരണ വിഭാഗത്തില്‍ ചികിത്സയിലിരിക്കെ ഇന്ന് പുലര്‍ച്ചെ അന്തരിച്ചു. മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും.

Tag: Former CPM leader, who was undergoing treatment after being beaten by his son, passes away