ആവേശത്തിന്റെ തിരമാലകളുയർത്തി 71-ാമത് നെഹ്റു ട്രോഫി വള്ളംകളി; നിലവിലെ ഹീറ്റ്സ് മത്സരഫലങ്ങൾ ഇങ്ങനെ

പുന്നമടക്കായലിൽ ആവേശത്തിന്റെ തിരമാലകളുയർത്തി 71-ാമത് നെഹ്റു ട്രോഫി വള്ളംകളിക്ക് തുടക്കം. 21 ചുണ്ടൻ വള്ളങ്ങൾ ഉൾപ്പെടെ മൊത്തം 75 വള്ളങ്ങൾ മത്സരം തീർത്തപ്പോൾ, ആദ്യഘട്ട ഹീറ്റ്സുകളിൽ കടുത്ത പോരാട്ടം അരങ്ങേറി.

ഹീറ്റ്സ് ഫലം:

ഒന്നാം ഹീറ്റ്‌സ് – ചുണ്ടൻ കാരിച്ചാൽ ഒന്നാമത് (സമയം: 4 മിനിറ്റ് 30 സെ). പിന്നാലെ വള്ളംകുളങ്ങര (5:18), കരുവാറ്റ ശ്രീവിനായകൻ (6:27), പാലാരിച്ചുണ്ടൻ (6:28).

രണ്ടാം ഹീറ്റ്‌സ് – നടുവിലേ പറമ്പൻ ഒന്നാമത്.

മൂന്നാം ഹീറ്റ്‌സ് – മേൽപ്പാടം ചുണ്ടൻ ഒന്നാമത്.

നാലാം ഹീറ്റ്‌സ് – പുന്നമട ബോട്ട് ക്ലബ്ബിന്റെ നടുഭാഗം ഒന്നാമത്.

അഞ്ചാം ഹീറ്റ്‌സ് – പായിപ്പാടൻ വൺ ഒന്നാമത്.

ആറാം ഹീറ്റ്‌സ് – വിയപുരം വിബിസി ചുണ്ടൻ ഒന്നാമത്.

ഹീറ്റ്സുകളിൽ സമയം കുറയ്ക്കുന്ന ടീമുകൾക്ക് ഫൈനലിൽ പ്രവേശനം. വൈകിട്ട് അഞ്ചരയോടെ നിർണായക മത്സരങ്ങൾ അരങ്ങേറും.
നിലവിലെ ജേതാക്കളായ പള്ളാത്തുരുത്തി ബോട്ട് ക്ലബ്ബ് ഈ തവണയും ജയിച്ചാൽ ചരിത്ര നേട്ടമായ ഡബിൾ ഹാട്രിക്ക് സ്വന്തമാക്കും. കഴിഞ്ഞ തവണ ചെറിയ സമയ വ്യത്യാസത്തിൽ ട്രോഫി നഷ്ടപ്പെട്ട വില്ലേജ് ബോട്ട് ക്ലബ് കൈനകരി ഇത്തവണ വീണ്ടും വിയപുരം ചുണ്ടനിൽ തുഴയുകയാണ്. യു.ബി.സി കൈനകരി, നിരണം ബോട്ട് ക്ലബ്, കുമരകം ടൗൺ ബോട്ട് ക്ലബ്, ഇമ്മാനുവൽ ബോട്ട് ക്ലബ് തുടങ്ങി പ്രമുഖ ടീമുകളുടെ പങ്കെടുക്കലോടെ പുന്നമടക്കായലിൽ ഇന്നത്തെ മത്സരം തീപാറും പോരാട്ടമായി മാറുകയാണ്.

Tag: 71st Nehru Trophy Boat Race raises waves of excitement; Here are the current heats results