keralaKerala NewsLatest NewsNews
മുവാറ്റുപുഴ എംസി റോഡ് ഉദ്ഘാടനം ചെയ്ത എസ്‌ഐയ്ക്ക് സസ്‌പെന്‍ഷന്‍
കൊച്ചി: മുവാറ്റുപുഴ എംസി റോഡ് ഉദ്ഘാടനം ചെയ്ത എസ്‌ഐയ്ക്ക് സസ്‌പെന്‍ഷന്‍. മുവാറ്റുപുഴ ട്രാഫിക് എസ്‌ഐ കെപി സിദ്ധിഖിനെയാണ് സസ്‌പെന്‍ഡ് ചെയ്തത്. മാത്യു കുഴല്‍നാടന്‍ എംഎല്‍എയുടെ നിര്‍ദേശത്തെ തുടര്‍ന്നാണ് എസ്‌ഐ റോഡ് ഉദ്ഘാടനം നിര്‍വഹിച്ചത്. അതിനുപിന്നാലെ സിപിഐഎം ഏരിയാ കമ്മിറ്റി പരാതി നല്‍കിയിരുന്നു. നവീകരണ പ്രവര്‍ത്തനങ്ങള്‍ നടക്കുന്നതിനിടെ ട്രാഫിക് എസ്‌ഐയെക്കൊണ്ട് എംഎല്‍എ റോഡ് ഉദ്ഘാടനം ചെയ്യിപ്പിച്ചതാണ് വിവാദമായത്. രാഷ്ട്രീയ അജണ്ടയ്ക്ക് ഉദ്യോഗസ്ഥര്‍ കൂട്ടുനിന്നുവെന്നും പൊലീസ് ഉദ്യോഗസ്ഥന്‍ രാഷ്ട്രീയ നാടകം കളിച്ചുവെന്നും കാണിച്ചാണ് സിപിഐഎം ഏരിയ സെക്രട്ടറി അനീഷ് എം മാത്യു മുഖ്യമന്ത്രിക്കും ഡിജിപിക്കും പരാതി നല്‍കിയത്. മേലുദ്യോഗസ്ഥരുടെ അനുമതിയില്ലാതെ ഉദ്ഘാടനത്തില്‍ പങ്കെടുത്തുവെന്ന് കാട്ടിയാണ് എസ്‌ഐയ്‌ക്കെതിരെ നടപടിയെടുത്തത്.
