മാട്രിമോണി സൈറ്റിലൂടെ പരിചയപ്പെട്ട യുവാവ് അധ്യാപികയെ വഞ്ചിച്ച് കോടികൾ തട്ടിയെന്ന പരാതി

മാട്രിമോണി സൈറ്റിലൂടെ പരിചയപ്പെട്ട യുവാവ് അധ്യാപികയെ വഞ്ചിച്ച് കോടികൾ തട്ടിയെന്ന പരാതി. 59 വയസ്സുകാരിയായ അധ്യാപികയുടെ പക്കൽ നിന്ന് 2.27 കോടി രൂപ വിവിധ കാരണങ്ങൾ ചൂണ്ടിക്കാട്ടി യുവാവ് തട്ടിയെടുത്തുവെന്നാണ് പോലീസ് പരാതിയിൽ പറയുന്നത്. വിവാഹമോചിതയുമായിരുന്ന അധ്യാപികയ്ക്ക് ഒരു മകൻ ഉണ്ടായിരുന്നെങ്കിലും, ഒപ്പം താമസിച്ചിരുന്നില്ല. ഒറ്റയ്ക്കായതിനാൽ ജീവിത പങ്കാളിയെ തേടിയാണ് അവർ മാട്രിമോണി സൈറ്റിൽ രജിസ്റ്റർ ചെയ്തത്.

യുഎസ് പൗരനായ അഹൻ കുമാർ എന്ന പേരിലുള്ള വ്യക്തിയുമായാണ് അധ്യാപിക പരിചയപ്പെട്ടത്. ഇയാൾ 2019 ഡിസംബർ മുതൽ അറ്റ്ലാന്റയിൽ താമസിക്കുന്നുവെന്നും തുർക്കിയിലെ ഇസ്താംബൂളിൽ ഒരു കമ്പനിയിൽ ഡ്രില്ലിംഗ് എഞ്ചിനീയറായി ജോലി ചെയ്യുന്നുവെന്നും പരിചയപ്പെടുത്തുകയായിരുന്നു.

2020 ജനുവരിയിലാണ് ഇയാൾ ആദ്യമായി അധ്യാപികയോട് പണം ആവശ്യപ്പെട്ടത്. ഭക്ഷണത്തിനായി പണം കുറവാണെന്ന് പറഞ്ഞാണ് അദ്ദേഹം അഭ്യർത്ഥിച്ചത്. കരുണ തോന്നിയ അധ്യാപിക പണം അയച്ചു. തുടർന്ന് ചികിത്സ, കസ്റ്റംസ് ചാർജ്, ബിസിനസ് ആവശ്യങ്ങൾ തുടങ്ങി പല കാരണങ്ങൾ ചൂണ്ടിക്കാട്ടി ഇയാൾ വീണ്ടും വീണ്ടും പണം ആവശ്യപ്പെട്ടു. ഇതിലൂടെ ആകെ 2.27 കോടി രൂപ അധ്യാപിക അയാൾക്ക് കൈമാറിയതായി എഫ്.ഐ.ആറിൽ പറയുന്നു.

പണം തിരികെ നൽകണമെന്ന് ആവശ്യപ്പെട്ടിട്ടും യുവാവ് പ്രതികരിച്ചില്ല. കഴിഞ്ഞ ദിവസം വീണ്ടും 3.5 ലക്ഷം രൂപ ആവശ്യപ്പെട്ടതിനെ തുടർന്ന് അധ്യാപിക പോലീസ് സ്റ്റേഷനിൽ പരാതി നൽകി. സംഭവത്തിൽ പോലീസ് അന്വേഷണം ആരംഭിച്ചിരിക്കുകയാണ്.

Tag: Complaint alleging that a young man he met through a matrimonial site cheated a teacher and embezzled crores of rupees