അഫ്ഗാൻ വിദേശകാര്യമന്ത്രിയുടെ ഡൽഹിയിൽ നടക്കുന്ന രണ്ടാം വാര്‍ത്താസമ്മേളനത്തിലേക്ക് വനിതാ മാധ്യമപ്രവര്‍ത്തകരെ ക്ഷണിച്ചു
അഫ്ഗാൻ വിദേശകാര്യമന്ത്രി അമീര്‍ ഖാന്‍ മുത്തഖി ഡൽഹിയിൽ നടക്കുന്ന രണ്ടാം വാര്‍ത്താസമ്മേളനത്തിലേക്ക് വനിതാ മാധ്യമപ്രവര്‍ത്തകരെ ക്ഷണിച്ചു. ഡൽഹിയിലും യുപിയിലും നടന്ന മുൻ വാര്‍ത്താസമ്മേളനങ്ങളില്‍ വനിതാ മാധ്യമപ്രവര്‍ത്തകരെ ഒഴിവാക്കിയ നടപടി വലിയ വിവാദത്തിനിടയാക്കിയിരുന്നു. ആ സമയത്ത് സര്‍ക്കാര്‍ മൗനം പാലിച്ചെന്നതായിരുന്നു പ്രധാന വിമര്‍ശനം. എഡിറ്റേഴ്സ് ഗില്‍ഡ് ഓഫ് ഇന്ത്യ, ഇന്ത്യൻ വിമന്‍സ് പ്രസ് കോർപ്പ്സ് (IWPC) എന്നിവയടക്കം നിരവധി മാധ്യമ സംഘടനകൾ ഈ നടപടിയെ “വിവേചനപരമായത്” എന്ന് അപലപിച്ചു. വിയന്ന കോൺവെൻഷൻ പ്രകാരം ഏത് നയതന്ത്രപരിരക്ഷയും വനിതാ മാധ്യമപ്രവര്‍ത്തകരെ വിലക്കിയ നടപടിയെ ന്യായീകരിക്കാൻ പാടില്ലെന്ന് ഇവർ വ്യക്തമാക്കി.
അഫ്ഗാൻ മന്ത്രിയുടെ വാര്‍ത്താസമ്മേളനത്തില്‍ ഇന്ത്യൻ സർക്കാർ യാതൊരു പങ്കും ഇല്ലെന്നും, മാധ്യമപ്രവര്‍ത്തകരെ തിരഞ്ഞെടുത്തത് മുംബൈയിലെ അഫ്ഗാനിസ്താന്റെ കോൺസുലേറ്റ് ജനറലാണ്. കൂടാതെ, എംബസി പ്രദേശം ഇന്ത്യൻ സർക്കാർ അധികാര പരിധിക്കുള്ളിലല്ലെന്നും ഇന്ത്യൻ വിദേശകാര്യ മന്ത്രാലയം വ്യക്തമാക്കി.
വെള്ളിയാഴ്ച ന്യൂഡൽഹിയിലെ അഫ്ഗാനിസ്താൻ എംബസിയിൽ നടന്ന മുത്താഖിയുടെ വാർത്താസമ്മേളനത്തിൽ വനിതാ മാധ്യമപ്രവര്‍ത്തകരെ ക്ഷണിക്കാതിരുന്ന നടപടിയോട് പ്രതിപക്ഷ നേതാവ് രാഹുല്‍ ഗാന്ധി, TMC എംപി മഹുവാ മൊയ്‍ത്ര, കോണ്‍ഗ്രസ് എംപി പ്രിയങ്ക ഗാന്ധി വാദ്ര, പി. ചിദംബരം എന്നിവർ അടക്കം നിരവധി രാഷ്ട്രീയപ്രവര്‍ത്തകർ രംഗത്തെത്തിയിരുന്നു.
വിശാലമായ വിമര്‍ശനത്തെ തുടര്‍ന്ന്, അഫ്ഗാൻ വിദേശകാര്യമന്ത്രിയുടെ സംഘം ഞായറാഴ്ച നടത്താനിരിക്കുന്ന വാര്‍ത്താസമ്മേളനത്തിനായി പുതിയ ക്ഷണക്കത്തുകള്‍ പുറപ്പെടുവിച്ചു. എല്ലാ മാധ്യമപ്രവര്‍ത്തകരും പങ്കെടുക്കാവുന്ന, “എല്ലാവരെയും ഉള്‍ക്കൊള്ളുന്ന” പരിപാടിയാണിതെന്ന് അവർ അറിയിച്ചു, ഇന്ത്യ ടുഡേ റിപ്പോർട്ട് ചെയ്തു.
Tag: Women journalists invited to Afghan Foreign Minister’s second press conference in Delhi
