രാഷ്ട്രപതി മുർമു സഞ്ചരിച്ച എംഐ-17 ഹെലികോപ്റ്ററിന്റെ സവിശേഷതകൾ

നാലു ദിവസത്തെ ഔദ്യോഗിക കേരള സന്ദർശനത്തിനായി ചൊവ്വാഴ്ച വൈകുന്നേരമാണ് രാഷ്ട്രപതി തിരുവനന്തപുരത്ത് എത്തിയത്. ബുധനാഴ്ച രാവിലെയാണ് പത്തനംതിട്ട ജില്ലയിലേക്ക് യാത്ര തിരിച്ചത്. ലോകത്തിലെ ഏറ്റവും നൂതനമായ ഗതാഗത ഹെലികോപ്റ്ററായ എംഐ-17 വി5 ഹെലികോപ്റ്ററിൽ ആയിരുന്നു രാഷ്ട്രപതിയുടെ യാത്ര.

രാഷ്ട്രപതിയുടെ ഹെലികോപ്റ്റർ ലാൻഡ് ചെയ്തതിനു ശേഷം പ്രമാടത്തിലെ ഹെലിപാഡ് തകർന്നു. സംഭവത്തെത്തുടർന്ന് പോലീസും ഫയർ ആൻഡ് റെസ്‌ക്യൂ സർവീസസ് ഉദ്യോഗസ്ഥരും ചേർന്ന് ഹെലികോപ്റ്ററിന്റെ സുരക്ഷ ഉറപ്പാക്കി.

റഷ്യൻ നിർമ്മിത എംഐ-17 ഹെലികോപ്റ്റർ ആണ് ഇന്ത്യൻ രാഷ്ട്രപതിയും ഉന്നത ഉദ്യോഗസ്ഥരും സാധാരണയായി ഉപയോഗിക്കുന്നത്. ഇന്ത്യൻ വ്യോമസേനയുടെ കമ്മ്യൂണിക്കേഷൻസ് സ്ക്വാഡ്രൺ നടത്തുന്ന ഈ ഹെലികോപ്റ്റർ വിഐപി ഗതാഗതത്തിനും സൈനിക ദൗത്യങ്ങൾക്കും ഉപയോഗിക്കുന്നു.

എംഐ-17ന് 7,100 കിലോഗ്രാം ഭാരം ഉണ്ട്; പരമാവധി ടേക്ക്‌ഓഫ് ഭാരം 13,000 കിലോഗ്രാം ആണ്. 36 യാത്രക്കാരെ വരെ വഹിക്കാനാകും. മണിക്കൂറിൽ 250 കിലോമീറ്റർ വേഗതയിൽ പറക്കുന്ന ഈ ഹെലികോപ്റ്ററിന് രണ്ട് ടർബൈൻ എഞ്ചിനുകളും ഓട്ടോപൈലറ്റ് സിസ്റ്റവും ഉണ്ട്.

ലോകമെമ്പാടും 60 രാജ്യങ്ങളിൽ സേവനത്തിലുള്ള ഈ ഹെലികോപ്റ്ററുകൾ ഭാരോദ്വഹനം, രക്ഷാപ്രവർത്തനം, വിഐപി ഗതാഗതം തുടങ്ങി നിരവധി ദൗത്യങ്ങൾക്ക് വിനിയോഗിക്കുന്നു.

ഇന്ത്യൻ വ്യോമസേനയ്ക്ക് ഇപ്പോൾ ഏകദേശം 222 എംഐ-17 ഹെലികോപ്റ്ററുകൾ ഉണ്ട്. അതിൽ പ്രധാന വകഭേദമായ Mi-17V-5 മോഡൽ 151 എണ്ണം ഉൾപ്പെടുന്നു.

Tag: Features of the Mi-17 helicopter flown by President Murmu