കേരളത്തിൽ സ്വർണ വില വീണ്ടും മേലേക്ക്, റെക്കോർഡുകൾ തകർത്ത് 38,120 രൂപയിലെത്തി.

കേരളത്തിൽ സ്വർണ വില വീണ്ടും മേലേക്ക്. റെക്കോർഡുകൾ തകർത്ത് ഒരു പവന്റെ വില 38,120 രൂപയിലെത്തി. 240 രൂപയാണ് ശനിയാഴ്ച പവന് വർധിച്ചത്. 2020 ൽ മാത്രം 30 ശതമാനം വർധനവാണ് സ്വർണവിലയിൽ ഉണ്ടായത്. വെള്ളിയാഴ്ച 37,880 രൂപയായിരുന്നു സ്വർണത്തിന്‍റെ വില. കൊവിഡ് വ്യാപനത്തെ തുടർന്നുണ്ടായ സാമ്പത്തിക മാന്ദ്യമാണ് സ്വർണ വില കൂടാൻ പ്രധാന കാരണമായത്. സുരക്ഷിത നിക്ഷേപമെന്ന നിലയിൽ കൂടുതൽ പേർ സ്വർണത്തിൽ നിക്ഷേപിക്കാൻ തുടങ്ങിയിരിക്കുകയാണ്.