“മുഖ്യമന്ത്രി ഇപ്പോൾ മോദി സ്റ്റൈൽ നോക്കുന്നു“; സംസ്ഥാന സർക്കാരിന്റെ ക്ഷേമ പദ്ധതികലെ രൂക്ഷമായി വിമർശിച്ച് കെ.സി വേണുഗോപാൽ
കേരളത്തിൽ പ്രഖ്യാപിച്ച ക്ഷേമ പദ്ധതികൾ തിരഞ്ഞെടുപ്പ് ഉദ്ദേശത്തോടെ മാത്രമാണെന്ന് എഐസിസി ജനറൽ സെക്രട്ടറി കെ. സി. വേണുഗോപാൽ ആരോപിച്ചു. “മുഖ്യമന്ത്രി ഇപ്പോൾ മോദി സ്റ്റൈൽ നോക്കുന്നു. പിണറായിയും മോദിയും സമാനമാണ്. ജനങ്ങളുടെ കണ്ണിൽ പൊടിയിടാനുള്ള തന്ത്രമാണ് നടത്തുന്നത്. എന്നാൽ, ഈ ബാധ്യത അടുത്ത സർക്കാരിന്റെ മേൽ വരും,” വേണുഗോപാൽ വ്യക്തമാക്കി.
“മുൻപ് വാഗ്ദാനങ്ങൾ നൽകിയിട്ട് പാലിച്ചിട്ടില്ല. ഇപ്പോൾ നെൽ കർഷകർക്ക് 130 കോടി കുടിശിക നൽകുന്ന തീരുമാനം മോഡിയുടെ മാതൃകയെയാണ് അനുകരിക്കുന്നത്. ജനങ്ങൾക്ക് ലഭിക്കുന്ന ആശ്വാസം സ്വാഗതാർഹമാണ്, പക്ഷേ ജനങ്ങൾ എല്ലാം മനസ്സിലാകും,” അദ്ദേഹം കൂട്ടിച്ചേർത്തു.
പിണറായിയുടെ പി. എം. ശ്രീ പദ്ധതിയെക്കുറിച്ചും സിപിഎം–സിപിഐ തർക്കത്തെ മറക്കാൻ ശ്രമം നടന്നതായും വേണുഗോപാൽ പറഞ്ഞു. “ഒപ്പിട്ട ശേഷം പിന്മാറാൻ പറ്റില്ല; തെറ്റ് സംഭവിച്ചെന്ന് സിപിഎം സമ്മതിച്ചു. മാപ്പ് പറയാൻ തയ്യാറാകണം. സിപിഐക്ക് നീതി ലഭിച്ചോ എന്ന് പരിശോധിക്കട്ടെ. ഉദ്യോഗസ്ഥർ മന്ത്രിസഭയിൽ ഒപ്പുവെക്കൽ മറച്ചു വെച്ചുവെന്നും, ഇതിന് ഉത്തരം ലഭിക്കണം. പി. എം. ശ്രീ സിപിഎം–ബിജപി ഡീലിന്റെ ഭാഗമാണെന്നും ഞാൻ വിമർശിക്കുന്നു,” എന്നും അദ്ദേഹം പറഞ്ഞു.
ഡൽഹിയിൽ ഹൈക്കമാൻഡ് വിളിച്ച് നടത്തിയ തീരുമാന യോഗത്തിലാണ് വിധി എത്തിയതെന്നും, ആവശ്യമായ അഭിപ്രായങ്ങൾ എല്ലാവരും ആ യോഗത്തിൽ പങ്കുവെച്ചതായും വേണുഗോപാൽ പറഞ്ഞു. സുധാകരന്റെ അഭിപ്രായങ്ങൾ നേരിട്ട് അദ്ദേഹത്തോട് ചോദിക്കണമെന്നും, വി.ഡി. സതീശൻ നേരത്തെ പോയത് വ്യക്തിഗത ആവശ്യത്തിനായിരുന്നുവെന്നും അദ്ദേഹം കൂട്ടിച്ചേർത്തു.
“തിരഞ്ഞെടുപ്പ് കമ്മീഷൻ അജണ്ടയോടെ പ്രവർത്തിക്കുന്നു. നടപടിക്രമങ്ങൾ എളുപ്പമല്ല, ശക്തമായ എതിർപ്പ് ഉയരും. വോട്ട് കള്ളക്കാര്യത്തിന്റെ കൂടുതൽ വിവരങ്ങൾ പുറത്ത് വരും. കെപിസിസി ‘ജംബോ കമ്മിറ്റി’ എന്നത് തെറ്റിദ്ധാരണയാണ്. കഴിവുള്ള ആളുകളെ പരമാവധി മുൻനിരയിലേക്ക് നിർത്തും. സിപിഐഎം സംസ്ഥാന കമ്മിറ്റിയിൽ എത്ര പേർ ഉണ്ടെന്നതാണ് പ്രധാന ചോദ്യം,” — വേണുഗോപാൽ പറഞ്ഞു.
Tag: K.C. Venugopal sharply criticizes the state government’s welfare schemes
