കാമുകിയെ കൊല്ലാൻ വീട്ടിൽ അതിക്രമിച്ച് കയറി, തുടർന്ന് അറസ്റ്റ്; പൊലീസ് സ്റ്റേഷനുള്ളിൽ യുവാവ് തീകൊളുത്തി മരിച്ചു

ഫരീദാബാദിൽ യുവാവ് പൊലീസ് സ്റ്റേഷനിൽ ആത്മഹത്യ ചെയ്തു. മുൻ കാമുകിയുടെ വിവാഹം തടയാനും, വധിക്കാൻ ശ്രമിച്ചതിനും പിന്നാലെ പെൺകുട്ടിയുടെ വീട്ടുകാര‍് പോലീസിൽ വിവരമറിയിക്കുകയായിരുന്നു. തുടർന്ന് പോലീസെത്തി ഇയാളെ അറസ്റ്റ് ചെയ്ത് സ്റ്റേഷനിൽ എത്തിച്ച ശേഷമാണ് യുവാവ് ആത്മഹത്യ ചെയ്തത്. മഥുര സ്വദേശിയായ ഇയാളെ മൂന്ന് കുട്ടികളുണ്ടെന്നും പോലീസ് അറിയിച്ചു.

തീകൊളുത്തിയതിന് ശേഷം പൊള്ളലേറ്റ ഇയാളെ ആദ്യം ധാരമ് വീരെ സിവിൽ ആശുപത്രിയിൽ പ്രവേശിപ്പിച്ചു, പിന്നീട് ഡൽഹിയിലെ സഫ്ദർജംഗ് ആശുപത്രിയിലേക്ക് മാറ്റിയെങ്കിലും മരണപ്പെടുകയായിരുന്നു.

യുവാവ് വിവാഹം തടയുന്നതിനും അതിഥികളെ ഭീഷണിപ്പെടുത്തിയെന്നും, ദൃക്‌സാക്ഷികൾ പറഞ്ഞു. ബന്ധുക്കൾ സംഭവസ്ഥലത്ത് തന്നെ ഇയാളെ നിയന്ത്രിച്ച് സെക്ടർ 11 പോസ്റ്റിലെ പൊലീസിന് കൈമാറി. പോലീസ് ഉദ്യോഗസ്ഥർ രേഖകൾ തയ്യാറാക്കുന്നതിനിടെ, ഇയാൾ ബാഗിൽ നിന്ന് പെട്രോൾ കുപ്പി എടുത്ത് തീകൊളുത്തുകയായിരുന്നു. ഉടൻ തന്നെ തീ അണച്ചെങ്കിലും, ശരീരത്തിന്റെ വലിയ ഭാഗം പൊള്ളലേറ്റതിനെ തുടർന്ന് സഫ്ദർജംഗ് ആശുപത്രിയിൽ മാറ്റിയപ്പോൾ മരിച്ചു. പോസ്റ്റ്മോർട്ടത്തിന് ശേഷം മൃതദേഹം കുടുംബത്തിന് കൈമാറി.

Tag: Man arrested after breaking into home to kill girlfriend; sets himself on fire inside police station, dies