രാഹുല്‍ മാങ്കൂട്ടത്തിലിനെതിരായ ആരോപണം; ഇടപെട്ട് എഐസിസി

യൂത്ത് കോണ്‍ഗ്രസ് സംസ്ഥാന അധ്യക്ഷനും എംഎല്‍എയുമായ രാഹുല്‍ മാങ്കൂട്ടത്തിലിനെതിരായ ആരോപണങ്ങളിൽ ഇടപെട്ട് എഐസിസി. സംസ്ഥാന നേതൃത്വത്തോട് ഹൈക്കമാന്‍ഡ് വിശദാംശങ്ങള്‍ തേടി.

ആരോപണങ്ങള്‍ പൊതുവായി പുറത്തുവരുന്നതിന് മുമ്പേ തന്നെ രാഹുലിനെതിരെ പരാതി എത്തിയിരുന്നുവെന്ന് റിപ്പോര്‍ട്ടുകള്‍ പറയുന്നു. അന്വേഷണത്തിനായി സംസ്ഥാന ചുമതലയുള്ള എഐസിസി ജനറല്‍ സെക്രട്ടറി ദീപദാസ് മുന്‍ഷി കെപിസിസി നേതൃത്വത്തിന് നിര്‍ദേശം നല്‍കിയിട്ടുണ്ട്. യൂത്ത് കോണ്‍ഗ്രസ് സംസ്ഥാന അധ്യക്ഷസ്ഥാനത്ത് നിന്ന് മാറ്റുന്നതിനടക്കം ഹൈക്കമാന്‍ഡ് ആലോചിക്കുന്നുണ്ട്.

മാധ്യമപ്രവര്‍ത്തക നടത്തിയ വെളിപ്പെടുത്തലോടെയാണ് വിഷയത്തില്‍ ചര്‍ച്ച ശക്തമായത്. തുടര്‍ന്ന് എഴുത്തുകാരി ഹണി ഭാസ്‌കരനും ഫേസ്ബുക്ക് കുറിപ്പിലൂടെ രാഹുല്‍ മാങ്കൂട്ടത്തിലിനെതിരെ തുറന്നെഴുതി. “രാഹുല്‍ മാങ്കൂട്ടം-അനുഭവം” എന്ന തലക്കെട്ടോടെയായിരുന്നു പോസ്റ്റ്.

ഹണിയുടെ ആരോപണം പ്രകാരം, ജൂണില്‍ ശ്രീലങ്കന്‍ യാത്രയ്ക്കിടെ ഇന്‍സ്റ്റഗ്രാമില്‍ രാഹുല്‍ തന്നെ സമീപിച്ചു. ആദ്യത്തില്‍ യാത്രയെക്കുറിച്ച് ചോദിച്ച ചാറ്റ് പിന്നീട് വ്യക്തിപരമായ സന്ദേശങ്ങളിലേക്കാണ് മാറിയത്. എന്നാല്‍ താന്‍ പ്രതികരിക്കാതെ പോയതോടെ ചാറ്റ് അവസാനിച്ചുവെന്നും, അതിനുശേഷം രാഹുല്‍ തന്നെക്കുറിച്ച് കൂട്ടുകാര്‍ക്കിടയില്‍ അപകീര്‍ത്തികരമായ രീതിയില്‍ സംസാരിച്ചതാണെന്നും ഹണി ആരോപിച്ചു. “രാഹുല്‍ ഒരു രാഷ്ട്രീയ മാലിന്യം തന്നെയാണ്. അത് സഖാക്കളല്ല, അയാളുടെ അടുത്ത സുഹൃത്തുക്കളാണ് എനിക്ക് മനസ്സിലാക്കിയുതന്നത്” – എന്നും ഹണി തന്റെ കുറിപ്പില്‍ ചൂണ്ടിക്കാട്ടി.

Tag: Allegations against Rahul Mangkootatil; AICC intervenes