GulfNewsUncategorized

സൗദി അറേബ്യ ലക്ഷ്യമിട്ട് വീണ്ടും യെമനിലെ ഹൂതികളുടെ ആക്രമണം; ആറ് ഡ്രോണുകൾ തകർത്തു

റിയാദ്: സൗദി അറേബ്യ ലക്ഷ്യമിട്ട് വീണ്ടും യെമനിലെ ഹൂതികളുടെ ആക്രമണം. ആറ് ഡ്രോണുകളാണ് വെള്ളിയാഴ്‍ച അറബ് സഖ്യസേന തകർത്തത്. സാധാരണ ജനങ്ങളെ ആക്രമിക്കാൻ ലക്ഷ്യമിട്ട് നടത്തുന്ന ആസൂത്രിത ശ്രമമാണിതെന്ന് അറബ് സഖ്യസേന വക്താവ് കേണൻ തുർകി അൽ മാലികി പറഞ്ഞു.

അന്താരാഷ്‍ട്ര നിയമങ്ങൾ പാലിച്ചുകൊണ്ടുതന്നെ ഇത്തരം ആക്രമണങ്ങളെ പ്രതിരോധിക്കാനുള്ള എല്ലാ നടപടികളും സ്വീകരിക്കുമെന്നും അറബ് സഖ്യസേന അറിയിച്ചു. വ്യാഴാഴ്‍ച ജിസാൻ ലക്ഷ്യമിട്ട് ഹൂതികൾ തൊടുത്തുവിട്ട മിസൈൽ അറബ് സഖ്യസേന തകർത്തിരുന്നു. സൗദി അറേബ്യയിലെ അബഹ വിമാനത്താവളത്തിൽ കഴിഞ്ഞ മാസമുണ്ടായ ആക്രമണത്തിന് ശേഷം ദിവസേനയെന്നോണം ഹൂതികൾ വിവിധ സ്ഥലങ്ങൾ ലക്ഷ്യമിട്ട് ആക്രമണം നടത്തുകയാണ്.

Related Articles

Leave a Reply

Your email address will not be published. Required fields are marked *

Back to top button