രൊറ്റ മിസൈലിൽ നിരവധി ലക്ഷ്യങ്ങളിലേക്ക് ആക്രമണ ശേഷിയുള്ള മിസൈൽ സാങ്കേതികവിദ്യയുടെ പുരോഗതിയിലേക്കാണ് ഇന്ത്യ. ഒരേ സമയം ഒന്നിലധികം ലക്ഷ്യങ്ങളെ ആക്രമിക്കാനാവുന്ന എംഐആർവി (Multiple Independently Targetable Reentry Vehicle) സാങ്കേതികവിദ്യയാണ് ഇന്ത്യ വികസിപ്പിക്കുന്നത്. ഇന്ത്യയുടെ അഗ്നി-5 മിസൈലിലാണ് ഈ സാങ്കേതികവിദ്യ നിലവിൽ ഉപയോഗിക്കുന്നത്.
ഒരു മിസൈലിൽ 10 മുതൽ 12 വരെ പോർമുനകൾ ഘടിപ്പിക്കാനാകുന്ന ഈ സംവിധാനത്തിന്റെ പ്രധാന ലക്ഷ്യം എതിരാളിയുടെ വ്യോമ പ്രതിരോധ സംവിധാനങ്ങളെ തകർക്കുക എന്നതാണ്. ഓരോ പോർമുനയും തികച്ചും സ്വതന്ത്രമായി വ്യത്യസ്ത ലക്ഷ്യങ്ങളിലേക്ക് തിരിച്ചുവിടാനാകുന്നതിനാൽ, സമാന്തര ആക്രമണ സാധ്യത വളരെ കൂടുതലാണ്.
നിലവിലുള്ള ബാലിസ്റ്റിക് മിസൈൽ പ്രതിരോധ സംവിധാനങ്ങൾ ഒരു സമയം ഒരൊറ്റ പോർമുനയെയെതിരെ മാത്രമേ ഫലപ്രദമായി പ്രവർത്തിക്കാനാകൂ. അതുകൊണ്ടുതന്നെ എംഐആർവി സംവിധാനമുള്ള മിസൈലുകൾ ഏകദേശം അതിരറ്റ ആക്രമണശേഷിയുള്ളവയാണ്. ഈ രീതിയിലുള്ള നിരന്തര ആക്രമണങ്ങൾ എതിരാളിയുടെ പ്രതിരോധ സംവിധാനം തകർന്നടിയാൻ കാരണമാകും.
ഇത്തരമൊരു ഭീഷണിക്ക് മുന്നിൽ ഇന്ത്യയുടേയും പ്രതിരോധ ഗവേഷണ വികസന സംഘടനയായ DRDOവിന്റെ നേതൃത്വത്തിൽ പ്രതിരോധ തീതിയും വികസിപ്പിക്കുന്നുണ്ട്. എംഐആർവി സാങ്കേതികവിദ്യയെ തന്നെ അടിസ്ഥാനമാക്കി, അതിനെ നേരിടാനാവുന്ന ഒരു അത്യാധുനിക പ്രതിരോധ സംവിധാനമാണ് DRDO വികസിപ്പിക്കുന്നത്.
ഈ സംവിധാനത്തിൽ ഒരേ ഇന്റർസെപ്റ്റർ മിസൈലിൽ ഒന്നിലധികം “കിൽ വെഹിക്കിളുകൾ” ഘടിപ്പിച്ചിരിക്കും. ഓരോ കിൽ വെഹിക്കിളും താനേ ലക്ഷ്യം കണ്ടെത്തി അതിനെ നശിപ്പിക്കാൻ സ്വതന്ത്രമായി പ്രവർത്തിക്കും. ഇതിലൂടെ, ഒരേ സമയം പല പോർമുനകളേയും ലക്ഷ്യമാക്കി പ്രതിരോധം സജീവമാക്കാനാകും.
നിലവിൽ ഈ സാങ്കേതിക വിദ്യ വികസന ഘട്ടത്തിലാണ്. പദ്ധതി വിജയകരമായി നടപ്പാക്കിയാൽ, ബാലിസ്റ്റിക് മിസൈൽ പ്രതിരോധ രംഗത്ത് ഇന്ത്യ ഒരു ആഗോള ശക്തിയായി മാറും.
Tag: Attacking multiple targets with a single missile: India’s MIRV technology and its defense efforts
