ലോക്ക്ഡൗണ്‍ ലംഘനത്തിന് പിഴയിട്ടു; പൊലീസിനെ ചുറ്റിച്ച് പ്രതികാരം വീട്ടിയതിങ്ങനെ…
പൊന്നാനി: ലോക്ക്ഡൗണ്‍ ലംഘനത്തിന് പിഴയിട്ടതിനെ തുടര്‍ന്ന് പൊലീസിനെ ചുറ്റിക്കാന്‍ വ്യാജ ബോംബ് ഭീഷണി. പിഴയിട്ടതിന് പക തീര്‍ക്കാന്‍് ബാങ്ക് തകര്‍ക്കുമെന്ന് വ്യാജ ബോംബ് ഭീഷണി ഉയര്‍ത്തിയ പ്രതി പിടിയിലായി്. ബംഗാള്‍ സ്വദേശിയായ തപാല്‍ മണ്ഡലാണ് പിടിയിലായത്. പൊലീസിനെ ചുറ്റിക്കാന്‍ ലക്ഷ്യമിട്ടാണ് പ്രതി ഇങ്ങനെയൊരു ഭീഷണി മുഴക്കിയത്. ചൊവ്വാഴ്ച്ച രാവിലെയാണ് പൊന്നാനി പൊലീസ് സ്റ്റേഷനിലേക്ക് ടെലിഫോണിലൂടെ ബോംബ് ഭീഷണി സന്ദേശമെത്തുന്നത്.
ഉച്ചക്ക് രണ്ടിന് പൊന്നാനി ചമ്രവട്ടം ജംഗ്ഷനിലെ കനറാ ബാങ്കില്‍ ബോംബ് സ്ഫോടനം നടക്കുമെന്നായിരുന്നു സന്ദേശം. ഇതേ തുടര്‍ന്ന് ബാങ്കിലും പരിസരത്തും പരിശോധന നടത്തിയെങ്കിലും ഒന്നും കണ്ടെത്താനായില്ല. ഭീഷണി വന്നയുടനെ ഡോഗ് സ്‌കോഡും ബോംബ് സ്‌കോഡും സ്ഥലത്ത് എത്തി.
ഭീഷണി വ്യാജമാണെന്ന് ഉറപ്പാക്കിയതോടെ പ്രതിയെ കണ്ടെത്താനുള്ള തിരച്ചില്‍ ഊര്‍ജിതമാക്കി. സൈബര്‍ സെല്ലിന്റെ സഹായത്തോടെ സ്റ്റേഷനിലേക്ക് വന്ന നമ്പര്‍ ബംഗാള്‍ സ്വദേശിയായ തപാല്‍ മണ്ഡല്‍ എന്ന ആഴിന്റെയാണെന്ന്് തിരിച്ചറിഞ്ഞു. എന്ന ആളിന്റെയാണെന്ന് തിരിച്ചറിഞ്ഞു. ഫോണിന്റെ ലോക്കേഷന്‍ കണ്ടെത്തുകയും ഉടന്‍ തന്നെ പ്രതിയെ അറസ്റ്റ് ചെയ്യുകയും ചെയ്തു.
മദ്യ ലഹരിയിലായിരുന്ന പ്രതിയെ പൊന്നാനി സ്റ്റേഷനില്‍ എത്തിക്കുകയും പ്രതിയുടെ പേരില്‍ കേസ് എടുക്കുകയും ചെയ്തു. ലോക്ക്ഡൗണ്‍ ലംഘനത്തെ തുടര്‍ന്ന് കഴിഞ്ഞ ദിവസം ഇയാള്‍ക്കെതിരെ പൊലീസും, ആരോഗ്യ വകുപ്പും പിഴ ചുമത്തിയിരുന്നു. അതിന്റെ പ്രതികാരമായാണ് പൊലീസിനെ ബുദ്ധിമുട്ടിക്കാന്‍ ബാങ്കില്‍ ബോംബ് വെച്ചിട്ടുണ്ടെന്ന വ്യാജ സന്ദേശം ഇയാള്‍ സ്റ്റേഷനില്‍ വിളിച്ച് പറഞ്ഞതെന്നാണ് പോലീസ് പറഞ്ഞത്.
