പ്രധാനമന്ത്രി നരേന്ദ്ര മോദി നാളെ മുതൽ നാല് ദിവസത്തെ ഔദ്യോഗിക ദ്വിരാഷ്ട്ര സന്ദർശനത്തിന് പുറപ്പെടും. യുണൈറ്റഡ് കിംഗ്ഡവും മാലിദ്വീപുമാണ് സന്ദർശിക്കുന്നത്. യുകെയുമായി പ്രതീക്ഷിക്കപ്പെടുന്ന സ്വതന്ത്ര വ്യാപാര ഉടമ്പടിക്ക് അന്തിമ രൂപം നൽകുന്നതും, മാലിദ്വീപുമായുള്ള ദ്വിപക്ഷ ബന്ധങ്ങൾ കൂടുതൽ ശക്തിപ്പെടുത്തുന്നതിനും സന്ദർശനത്തിന്റെ പ്രധാന ലക്ഷ്യമെന്ന് വിദേശകാര്യ സെക്രട്ടറി വിക്രം മിസ്രി പത്രസമ്മേളനത്തിൽ പറഞ്ഞു.
പ്രധാനമന്ത്രി മോദിയുടെ മാലിദ്വീപ് സന്ദർശനം ജൂലൈ 25, 26 തീയതികളിലായിരിക്കും. 2023 നവംബറിൽ അധികാരത്തിൽ വന്ന പ്രസിഡണ്ട് ഡോ. മുഹമ്മദ് മുയിസ്സുവിന്റെ ക്ഷണക്കത്ത് പ്രകാരമാണ് സന്ദർശനം. . മാലിദ്വീപിലേക്കുള്ള മോദിയുടെ ഇത് മൂന്നാമത്തെ സന്ദർശനമാണ്.
പുതിയ സഹകരണ സാധ്യതകളായ പുനരുപയോഗ ഊർജ മേഖലകളും മറ്റ് തന്ത്രപ്രധാന മേഖലയിലുമുള്ള സഹകരണങ്ങളും ഇരു രാജ്യങ്ങളും ആലോചിക്കുന്നുവെന്ന് വിക്രം മിസ്രി പറഞ്ഞു.
മാലിദ്വീപ് സ്വാതന്ത്ര്യത്തിന്റെ 60-ാം വാർഷികാഘോഷങ്ങളിൽ അതിഥിയായി പ്രധാനമന്ത്രി പങ്കെടുക്കും. പ്രസിഡന്റ് മുയിസ്സു അധികാരത്തിലെത്തിയ ശേഷം ആതിഥേയത്വം വഹിക്കുന്ന ആദ്യ ഔദ്യോഗിക വിദേശസന്ദർശകനായി മോദി എത്തുന്നത്.
യുകെ സന്ദർശനത്തിൽ ഇന്ത്യ-യുകെ സ്വതന്ത്ര വ്യാപാര ഉടമ്പടി ഔദ്യോഗികമായി പ്രഖ്യാപിക്കും. സന്ദർശനത്തിലെ പ്രധാന ആകർഷണമായിരിക്കും ഇത്. 2030ഓടെ നിലവിലെ 60 ബില്യൺ ഡോളർ വ്യാപാര വാല്യം ഇരട്ടിയാകുമെന്ന് പ്രതീക്ഷിക്കുന്നു.
യുകെ പ്രധാനമന്ത്രിയുമായി മോദി വ്യാപകമായ ചർച്ചകൾ നടത്തും. ദ്വിപക്ഷബന്ധങ്ങളും ആഗോളവും പ്രാദേശികവുമായ സുപ്രധാന വിഷയങ്ങളും ചർച്ചയ്ക്കായി വരും.
2024 മേയ് 6ന് നടന്ന പ്രധാനമന്ത്രിമാർക്കുള്ള സംഭാഷണത്തിൽ സ്വതന്ത്ര വ്യാപാര ഉടമ്പടിക്ക് രൂപം ലഭിച്ചെന്ന് വിദേശകാര്യ സെക്രട്ടറി വ്യക്തമാക്കിയിരുന്നു. “മെയ് 6ന് പ്രധാനമന്ത്രിമാർ നടത്തിയ സംഭാഷണത്തിൽ, സ്വതന്ത്ര വ്യാപാര ഉടമ്പടിയിലും മറ്റ് പ്രധാന വിഷയങ്ങളിലും ധാരണയിലെത്തിയിരുന്നു.
Tag: Bilateral visit; Prime Minister Narendra Modi to depart tomorrow
