ഭ​ക്ഷ​ണ​വും വെ​ള്ള​വും ന​ൽ​കാ​തെ മു​റി​യി​ൽ പൂ​ട്ടി​യിട്ട് മൂത്രം കുടിപ്പിച്ചിരുന്ന സി എ വിദ്യാർത്ഥിനിക്ക് ദാരുണ അന്ത്യം.

രാ​ജ്കോ​ട്ട്/ ഭ​ക്ഷ​ണ​വും വെ​ള്ള​വും ന​ൽ​കാ​തെ മു​റി​യി​ൽ പൂ​ട്ടി​യി​ട​പ്പെ​ട്ട്, അതിരുവിട്ട വിശ്വാസത്തിന്റെ പേരിൽ മൂത്രം കുടിപ്പിച്ചിരുന്ന 25 കാരിയായ യു​വ​തി​യെ അത്യാസന്ന നിലയിൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഗു​ജ​റാ​ത്തി​ലെ രാ​ജ്കോ​ട്ടി​ൽ സ്വ​ന്തം വീ​ട്ടി​ൽ ആ​റു മാ​സ​ത്തോ​ളം ഭ​ക്ഷ​ണ​വും വെ​ള്ള​വും ന​ൽ​കാ​തെ മു​റി​യി​ൽ പൂ​ട്ടി​യി​ട​പ്പെ​ട്ട യു​വ​തി​യെ സ​ന്ന​ദ്ധ പ്ര​വ​ർ​ത്ത​ക​ർ ഇടപെട്ടു ബലം പ്രയോഗിച്ച് രക്ഷിച്ച് ആശുപത്രിയിൽ എത്തിക്കുകയായിരുന്നു.

രാ​ജ്കോ​ട്ടി​ലെ സാ​ധു​വ​സാ​നി സ്വ​ദേ​ശി​നി​യും സി​എ വി​ദ്യാ​ർ​ഥി​നി​യാ​യി​രു​ന്ന അ​ൽ​പ സെ​ജ്പാ​ൽ (25) ആ​ണ് ഇത്തരത്തിൽ ദാരുണമായി മരണപ്പെടുന്നത്. അ​ൽ​പ വീട്ടിനുള്ളിൽ അനുഭവിച്ചു വരുന്ന ദയനീയ സ്ഥിതി അയാൾ വീട്ടുകാർ അറിയിച്ചതനുസരിച്ചാണ് സാ​തി സേ​വാ ഗ്രൂ​പ്പ് എ​ന്ന എ​ൻ‌​ജി‌​ഒ അ​വ​ളെ ര​ക്ഷ​പ്പെ​ടു​ത്തി ആ​ശു​പ​ത്രി​യി​ൽ പ്ര​വേ​ശി​പ്പി​ക്കുന്നത്. ക​ഴി​ഞ്ഞ ആ​റു​മാ​സ​മാ​യി അ​ൽ​പ​യെ വീ​ടി​നു​ള്ളി​ൽ പൂ​ട്ടി​യി​രി​ക്കു​ക​യാ​യി​രു​ന്നു. വീ​ട്ടു​കാ​ർ അ​ൽ​പ​യ്ക്ക് കാ​ര്യ​മാ​യി ഭ​ക്ഷ​ണ​വും വെ​ള്ള​വും ന​ൽ​കി​യി​രു​ന്നി​ല്ല. ക​ഴി​ഞ്ഞ എ​ട്ടു ദി​വ​സ​മാ​യി ഒ​രി​ക്ക​ൽ​പോ​ലും ഒരിറ്റു ഭ​ക്ഷ​ണ​മോ വെ​ള്ളമോ ന​ൽ​കുകയുണ്ടായില്ല. അ​യ​ൽ​വാ​സി​ക​ൾ അ​റി​യ​ച്ച​തി​നെ തു​ട​ർ​ന്ന് സാ​തി സേ​വാ എ​ന്ന സം​ഘ​ട​ന​യി​ലെ പ്ര​വ​ർ​ത്ത​ക​ർ ആ​ൽ​പ‍​യു​ടെ വീ​ട്ടി​ലെ​ത്തു​മ്പോൾ അൽപ അബോധാവസ്ഥയിലായിരുന്നു. പെ​ൺ​കു​ട്ടി​യു​ടെ മു​റി​യി​ൽ നിന്ന് മൂ​ത്രം നി​റ​ഞ്ഞ പ്ലാ​സ്റ്റി​ക് ബാഗ് അവർ ക​ണ്ടെ​ത്തി.

പോ​ലീ​സും സ​ന്ന​ദ്ധ പ്ര​വ​ർ​ത്ത​ക​രും വീ​ട്ടി​ലെ​ത്തി​യപ്പോൾ ഉ​ള്ളി​ലേ​ക്ക് ക​ട​ക്കാ​ൻ വീ​ട്ടു​കാ​ർ ആദ്യം അ​നു​വ​ദി​ച്ചി​ല്ല. തുടർന്ന് ബ​ല​പ്ര​യോ​ഗ​ത്തി​ലൂ​ടെ​യാ​ണ് പോലീസ് മു​റി തു​റ​ക്കുന്നത്. വാ​യി​ലൂ​ടെ നു​ര​യും പതയും വരുന്ന അവസ്ഥയിൽ അ​ബോ​ധാ​വ​സ്ഥ​യി​ലാ​യി​രു​ന്നു അപ്പോൾ അൽപ. പോ​ലീ​സും സ​ന്ന​ദ്ധ പ്ര​വ​ർ​ത്ത​ക​രും ചേർന്നാണ് ആ​ൽ​പ​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കുന്നത്. ആ​ൽ​പ​യെ വീ​ട്ടു​കാ​ർ മൂ​ത്ര​വും കു​ടി​പ്പി​ച്ചി​രു​ന്ന​താ​യും, മ​ത​വി​ശ്വാ​സ​ത്തി​ന്‍റെ ഭാ​ഗ​മാ​യാ​ണ് വീ​ട്ടു​കാ​ർ ഈ ​കൊ​ടും ക്രൂ​ര​കൃ​ത്യം ന​ട​ത്തി​ വന്നതെന്നും പോ​ലീ​സ് പറയുന്നത്.