‘മച്ചാനെ ഇത് പോരെ അളിയാ’ന്ന് വിനയ് ഫോർട്ട്

ബോളിവുഡ് താരമാണെങ്കിലും കേരളത്തിലും നിരവധി ആരാധകരുള്ള താരമാണ് സണ്ണി ലിയോൺ. നിലവിൽ ഷീറോ എന്ന മലയാളം സിനിമയുടെ ചിത്രീകരണത്തിലാണ് താരം. ഇടയ്ക്കിടയ്ക്ക് സണ്ണിയും കുടുംബവും കേരളത്തിലെത്തുന്നുമുണ്ട്. ഇപ്പോഴിതാ സണ്ണി ലിയോണിനൊപ്പമുള്ള ഒരു ചിത്രം സോഷ്യൽമീഡിയയിൽ പോസ്റ്റ് ചെയ്തിരിക്കുകയാണ് നടൻ ചെമ്പൻ വിനോദ്.

ഇരുവരും നല്ല സുഹൃത്തുക്കളെ പോലെ പോസ് ചെയ്ത ചിത്രമാണ് ഇൻസ്റ്റഗ്രാമിൽ എത്തിയിരിക്കുന്നത്. ‘എ ഗുഡ് സോൾ’ എന്നാണ് ചെമ്പൻ വിനോദ് ചിത്രത്തോടൊപ്പം ഫേസ്ബുക്കിൽ കുറിച്ചിരിക്കുന്നത്. പിന്നാലെ നിരവധി കമൻറുകളും ചിത്രത്തിന് താഴെ വന്നിട്ടുണ്ട്. താരങ്ങളും ആരാധകരും കമൻറിട്ടിട്ടുണ്ട്.

റിമ കല്ലിങ്കൽ, വിനയ് ഫോർട്ട്, മുഹ്‍സിൻ പരാരി, ജിനോ ജോസ് തുടങ്ങി നിരവധിപേരുടെ കമൻറുകൾ ഇൻസ്റ്റഗ്രാമിൽ വന്നിട്ടുണ്ട്. ഇതിൽ വിനയ് ഫോർട്ട് നൽകിയിരിക്കുന്ന കമൻറാണ് എല്ലാവരും ഏറ്റെടുത്തിരിക്കുന്നത്. അടുത്തിടെ വൈറലായ നൈസലിൻറെ ‘മച്ചാനെ, ഇത് പോരെ അളിയാ’ എന്ന വാക്കുകളാണ് വിനയ് കുറിച്ചിരിക്കുന്നത്.