”മുഖ്യമന്ത്രിയുടെ മകനെതിരായ ഇഡി സമൻസ് വിവാദത്തിൽ മുഖ്യമന്ത്രി തന്നെയാണ് മറുപടി പറയേണ്ടത്” പ്രതിപക്ഷ നേതാവ്

മുഖ്യമന്ത്രി പിണറായി വിജയന്റെ മകൻ വിവേക് കിരണെതിരായ ഇഡി സമൻസ് വിവാദത്തിൽ മുഖ്യമന്ത്രി തന്നെയാണ് മറുപടി പറയേണ്ടത്, എന്ന് പ്രതിപക്ഷ നേതാവ് വിഡി സതീശൻ ആവശ്യപ്പെട്ടു. വിഷയത്തിൽ പ്രതിപക്ഷത്തിനെതിരെ മുഖ്യമന്ത്രി നടത്തിയ വിമർശനങ്ങളോടെയാണ് സതീശൻ പ്രതികരിച്ചത്.

“വൈകാരിക പ്രസ്താവനകളല്ല, ഉത്തരവാദിത്വമുള്ള മറുപടിയാണ് വേണ്ടത്,” എന്ന് സതീശൻ പറഞ്ഞു. “കേസിന്റെ വിവരങ്ങൾ ഇഡി എന്തിനാണ് മറച്ചുവെച്ചത്? അതിന് പിന്നിൽ ആരാണ്?” എന്ന ചോദ്യത്തിനും മുഖ്യമന്ത്രിയോട് വ്യക്തമായ മറുപടി ആവശ്യപ്പെട്ടു. വിഷയത്തിൽ ദുരൂഹതയുണ്ടെന്ന് അദ്ദേഹം കൂട്ടിച്ചേർത്തു.

മറ്റു സംസ്ഥാനങ്ങളിലെ പ്രതിപക്ഷ നേതാക്കളെതിരെ ഇഡി നടപടി സ്വീകരിക്കുമ്പോൾ, പിണറായി വിജയന്റെ മകനെതിരായ അന്വേഷണത്തിൽ മാത്രം മൗനം പാലിച്ചത് എന്തുകൊണ്ടാണ് എന്ന് സതീശൻ ചോദിച്ചു. “മുഖ്യമന്ത്രിയുടെ മകനെതിരെ നടപടി എടുക്കരുതെന്ന് മുകളില്നിന്ന് ഇഡിക്ക് നിർദേശം ലഭിച്ചോ?” എന്നും അദ്ദേഹം ചോദ്യം ഉയർത്തി.

“ഞാൻ ബോംബ് പൊട്ടുമെന്ന് പറഞ്ഞിട്ടില്ല; സിപിഎം സൂക്ഷിക്കണമെന്ന് മാത്രമാണ് പറഞ്ഞത്. അതുപോലെ തന്നെ പിണറായി വിജയനും സൂക്ഷിക്കണം,” എന്നും വിഡി സതീശൻ വ്യക്തമാക്കി.

Tag: Chief Minister himself should answer the ED summons controversy against the Chief Minister’s son,” says opposition leader