ആൺകുട്ടിയെ ലൈംഗികമായി പീഡിപ്പിച്ച്‌ ഐടിഐ പ്രിൻസിപ്പൽ; പൊലീസ് കേസെടുത്തു

കാസർകോട്: വി​ദ്യാ​ർ​ഥി​യെ പ്ര​കൃ​തി​വിരുദ്ധ പീ​ഡ​ന​ത്തി​ന് ഇ​ര​യാ​ക്കി​യ സം​ഭ​വ​ത്തി​ൽ ഐ ടി ഐ പ്രിൻസിപ്പലിനെതിരെ പൊലീസ് കേസെടുത്തു. മ​ടി​ക്കൈ എ​രി​ക്കു​ളം ഐ.​ടി.​ഐ പ്രി​ൻ​സി​പ്പ​ൽ തി​രു​വ​ന​ന്ത​പു​രം സ്വ​ദേ​ശി ബി​ജു​വി​നെ​തി​രെ​യാ​ണ് (52) കേ​സെ​ടു​ത്ത​ത്. ആൺകുട്ടിയുടെ ര​ക്ഷി​താ​ക്ക​ളു​ടെ പ​രാ​തി​യി​ൽ നീ​ലേ​ശ്വ​രം പൊ​ലീ​സാണ് കേസ് രജിസ്റ്റർ ചെയ്തു അന്വേഷണം ആരംഭിച്ചത്. കേസ് എടുത്തതിന് ശേഷം ബിജു ഒളിവിലാണെന്ന് പൊലീസ് പറയുന്നു.

പ​ഠ​ന​ത്തി​ൽ പി​ന്നാ​ക്ക​മാ​ണെ​ന്നും കൗ​ൺ​സിലിങ് ആ​വ​ശ്യ​മാ​യ​തു​കൊ​ണ്ട് വ​ര​ണ​മെ​ന്നാ​വ​ശ്യ​പ്പെ​ട്ട് മു​റി​യി​ലെ​ത്തി​ച്ച്‌ വി​ദ്യാ​ർ​ഥി​യെ പീ​ഡി​പ്പി​ക്കു​ക​യു​മാ​യി​രു​ന്നു. മറ്റാരും ഇല്ലാതിരുന്ന സമയത്തായിരുന്നു പീഡനം. വിദ്യാർഥിയെ ഭീഷണിപ്പെടുത്തിയാണ് ബിജു ലൈംഗികമായി ചൂഷണം ചെയ്തത്. താൻ പറയുന്നതുപോലെ ചെയ്തില്ലെങ്കിൽ പരീക്ഷയ്ക്ക് തോൽപ്പിക്കുമെന്നും ബിജു ഭീഷണിപ്പെടുത്തിയതായി കുട്ടി രക്ഷിതാക്കളോട് പറഞ്ഞു. കഴിഞ്ഞ കുറച്ചു ദിവസമായി കുട്ടി കടുത്ത മാനസിക വിഷമത്തിലായിരുന്നു. രക്ഷിതാക്കൾ വിവരങ്ങൾ ചോദിച്ചപ്പോഴാണ് ഐടിഐ പ്രിൻസിപ്പൽ ലൈംഗികമായി ചൂഷണം ചെയ്ത വിവരം കുട്ടി പറഞ്ഞത്. തുടർന്ന് രക്ഷിതാക്കൾ പൊലീസ് സ്റ്റേഷനിലെത്തി പരാതി നൽകുകയായിരുന്നു. കുട്ടിയുടെ മൊഴി രേഖപ്പെടുത്തിയ ശേഷം പൊലീസ് കേസ് രജിസ്റ്റർ ചെയ്തു അന്വേഷണം ആരംഭിച്ചു.

ബി​ജു താ​മ​സി​ക്കു​ന്ന ക്വാ​ർ​ട്ടേ​ഴ്​​സി​ൽ പൊ​ലീ​സെ​ത്തി​യെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​ല്ല. മൊ​ബൈ​ൽ ഫോ​ൺ സ്വി​ച്ച്‌ ഓ​ഫാ​ക്കി​യ നി​ല​യി​ൽ അവിടെ നിന്ന് കണ്ടെടുത്തിട്ടുണ്ട്. ബിജുവിനെ പി​ടി​കൂ​ടാ​ൻ നീ​ലേ​ശ്വ​രം പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. ഇയാളുടെ സ്വദേശമായ തിരുവനന്തപുരത്തേക്കും അന്വേഷണം വ്യാപിപ്പിച്ചിട്ടുണ്ട്. ബിജുവിൻറെ ബന്ധുക്കളുടെയും സുഹൃത്തുക്കളുടെയും വീടുകളിൽ നിരീക്ഷണം ശക്തമാക്കിയിട്ടുണ്ടെന്ന് പൊലീസ് അറിയിച്ചു.