മധ്യപ്രദേശിൽ കഫ് സിറപ്പ് കുടിച്ച് കുട്ടികൾ മരിച്ച സംഭവം; ശ്രേഷൻ ഫാർമസ്യൂട്ടിക്കൽസിന്റെ ലൈസൻസ് റദ്ദാക്കി
മധ്യപ്രദേശിൽ കോൾഡ്രിഫ് കഫ് സിറപ്പ് കുടിച്ച് 22 കുട്ടികൾ മരിച്ച സംഭവത്തിന് പിന്നാലെ, ശ്രേഷൻ ഫാർമസ്യൂട്ടിക്കൽ കമ്പനിയുടെ ലൈസൻസ് തമിഴ്നാട് ഡ്രഗ്സ് കൺട്രോൾ ഡിപ്പാർട്മെന്റ് റദ്ദാക്കി. മരുന്നിൽ ഡൈഥലീൻ ഗ്ലൈസോൾ പോലെയുള്ള വിഷമുള്ള ഘടകം കണ്ടെത്തിയതാണ് കമ്പനി അടച്ചുപൂട്ടാൻ നിർദേശം പുറപ്പെടുവിച്ചതെന്ന് അധികൃതർ വ്യക്തമാക്കി.
സംഭവം പുറത്ത് വരുന്നതോടെ സംസ്ഥാനത്തെ എല്ലാ മരുന്ന് നിർമ്മാണ സ്ഥാപനങ്ങളിലും വ്യാപക പരിശോധനകൾ നടന്നു വരികയാണ്. കഴിഞ്ഞ ദിവസം പരാശൻ കോടതിയിൽ, ശ്രേഷൻ കമ്പനി ഉടമ രംഗനാഥനെ കൂടുതൽ ചോദ്യം ചെയ്യലിനായി 10 ദിവസത്തേക്ക് കസ്റ്റഡിയിൽ വിട്ടു. കൃത്യമായ പരിശോധന നടത്താതിരുന്നതിന് രണ്ട് ഡ്രഗ് ഇൻസ്പെക്ടർമാരെ സസ്‌പെൻഡ് ചെയ്തതായി റിപ്പോർട്ടുണ്ട്.
തമിഴ്നാട് സർക്കാർ വിഷയത്തെ കൈകാര്യം ചെയ്ത രീതിയെ മുൻപ് ബി.ജെ.പി നേതാവ് കെ. അണ്ണാമലൈ വിമർശിച്ചിരുന്നു. ഉദ്യോഗസ്ഥരെ സസ്‌പെൻഡ് ചെയ്യുന്നതിലൂടെ ഉത്തരവാദിത്തത്തിൽ നിന്ന് രക്ഷപ്പെടാൻ സർക്കാർ ശ്രമിക്കുന്നതാണെന്നും അദ്ദേഹം ആരോപിച്ചിരുന്നു.
Tag: Children die after drinking cough syrup in Madhya Pradesh; Sreshan Pharmaceuticals’ license cancelled
