കൊറോണ വ്യാപനം; സിവിൽ സർവ്വീസ് പ്രിലിമിനറി പരീക്ഷ മാറ്റിവെച്ചു

ന്യൂ ഡെൽഹി: സിവിൽ സർവീസ് പ്രിലിമിനറി പരീക്ഷ മാറ്റിവെച്ചു. കൊറോണ വൈറസ് വ്യാപനത്തെ തുടർന്നാണ് സിവിൽ സർവ്വീസ് പരീക്ഷ മാറ്റിവെച്ചതെന്ന് യുപിഎസ്‌സി അറിയിച്ചു. ജൂൺ 27 നായിരുന്നു സിവിൽ സർവ്വീസ് പ്രിലിമിനറി പരീക്ഷ നടത്താനിരുന്നത്.

ഒക്ടോബർ പത്തിന് പരീക്ഷ നടത്താനാണ് നിലവിൽ നിശ്ചയിച്ചിരിക്കുന്നതെന്നും യു.പി.എസ്.സി വ്യക്തമാക്കി. രാജ്യത്ത് കൊറോണ വ്യാപനം രൂക്ഷമാകുന്ന സാഹചര്യത്തിൽ യു.പി.എസ്.സി നടത്താനിരുന്ന മറ്റു പരീക്ഷകളും മാറ്റിവെച്ചു.