നക്‌സല്‍ വര്‍ഗീസിന്‍റെ കുടുംബത്തിന് 50 ലക്ഷം നഷ്ടപരിഹാരം
തിരുവനന്തപുരം: തിരുനെല്ലി കാട്ടില്‍ പോലീസ് വെടിയേറ്റു മരിച്ച നക്‌സല്‍ വര്‍ഗീസിന്‍റെ കുടുംബത്തിന് 50 ലക്ഷം രൂപ നഷ്ടപരിഹാരം. ഇന്ന് ചേര്‍ന്ന മന്ത്രിസഭാ യോഗമാണ് തീരുമാനമെടുത്തത്.
വര്‍ഗീസിന്‍റെ സഹോദരങ്ങളായ മറിയക്കുട്ടി, അന്നമ്മ, എ.തോമസ്, എ.ജോസഫ് എന്നിവര്‍ക്കാണ് നഷ്ടപരിഹാരം നല്‍കുക. വര്‍ഗീസിന്‍റെ കുടുംബത്തിന് നഷ്ടപരിഹാരം നല്‍ചകണമെന്ന് സെക്രട്ടറിതല സമിതി ശിപാര്‍ശ ചെയ്തിരുന്നു. ഇത് മന്ത്രിസഭ അംഗീകരിക്കുകയായിരുന്നു.
1970 ഫെബ്രുവരി 18നാണ് വര്‍ഗീസ് കൊല്ലപ്പെട്ടത്. വര്‍ഗീസിനെ പോലീസ് കൊലപ്പെടുത്തിയതാണെന്ന് തെളിഞ്ഞതിനെ തുടര്‍ന്ന് ബന്ധുക്കള്‍ നഷ്ടപരിഹാരത്തിന് ഹൈക്കോടതിയെ സമീപിച്ചിരുന്നു.
സര്‍ക്കാരിന് ഇത് സംബന്ധിച്ച്‌ നിവേദനം നല്‍കാനായിരുന്നു ഹൈക്കോടതി നിര്‍ദേശിച്ചത്. തുടര്‍ന്ന് സഹോദരങ്ങള്‍ നല്‍കിയ നിവേദനം പരിശോധിച്ചാണ് നഷ്ടപരിഹാരം നിശ്ചയിച്ചത്.
