തിരുവനന്തപുരം കോർപ്പറേഷൻ പിടിക്കാനുള്ള തന്ത്രവുമായി കോൺഗ്രസ്; യുവമുഖങ്ങൾ മുന്നണി നയിക്കും

തിരുവനന്തപുരം കോർപ്പറേഷൻ എൽഡിഎഫിൽ നിന്ന് തിരിച്ചുപിടിക്കാൻ കോൺഗ്രസ് രംഗത്ത് പുതിയ തന്ത്രങ്ങളുമായി. പാർട്ടിയുടെ ലക്ഷ്യം യുവജനപ്രതിഭകളെ മുന്നിൽ നിറുത്തി നില മെച്ചപ്പെടുത്തുകയെന്നതാണ്.

കഴിഞ്ഞ ദിവസം ചേർന്ന കോൺഗ്രസ് കോർ കമ്മിറ്റിയിൽ ഇതുസംബന്ധിച്ച തീരുമാനം എടുത്തു. കെ.എസ്. ശബരിനാഥൻ, വീണ എസ്. നായർ, എം.എസ്. അനിൽകുമാർ എന്നിവർ ഉൾപ്പെടെയുള്ള മുഖ്യ നേതാക്കളെ സ്ഥാനാർത്ഥികളാക്കാനാണ് തീരുമാനം.

ശബരിനാഥൻ കവടിയാർ ഡിവിഷനിൽ നിന്നും മത്സരിക്കും. (തന്റെ സ്വദേശമായ ശാസ്തമംഗലം വാർഡ് വനിതാ സംവരണമായതിനാൽ കവടിയാറിലേക്കാണ് മാറുന്നത്.) വീണ എസ്. നായർ വഴുതക്കാട് ഡിവിഷനിൽ മത്സരിക്കും.
എം.എസ്. അനിൽകുമാർ കഴക്കൂട്ടത്ത് മത്സരിക്കും.

36 വാർഡുകളുടെ സ്ഥാനാർത്ഥി പട്ടിക ഡിസിസി തയ്യാറാക്കിയിട്ടുണ്ട്. പരമാവധി യുവാക്കളെയും വനിതകളെയും ഉൾപ്പെടുത്തിയാണ് പട്ടിക. എം.പി. കെ. മുരളീധരൻ പ്രചാരണത്തിന് നേതൃത്വം നൽകും. തിങ്കളാഴ്ച തുടങ്ങുന്ന വാഹനപ്രചാരണ ജാഥ മുഴുവൻ വാർഡുകളിലും പൊതുയോഗങ്ങളോടെ നീങ്ങും.

നിലവിൽ 51 സീറ്റുകൾ എൽഡിഎഫിനും, 34 സീറ്റുകൾ ബിജെപിക്കും, 10 സീറ്റുകൾ കോൺഗ്രസിനുമാണ്. ഇവയിൽ 8 കോൺഗ്രസിന്റേയും 2 ഘടകകക്ഷികളുടേയുംതാണ്. കോൺഗ്രസിന്റെ ലക്ഷ്യം യുവജന പ്രചോദനത്തിലൂടെ കോർപ്പറേഷനിൽ തിരിച്ചുവരവ് ഉറപ്പാക്കലാണ്.

Tag: Congress has a strategy to capture Thiruvananthapuram Corporation; Young faces will lead the front