ദീപാവലി നിറവിൽ രാജ്യം; ദീപം കൊളുത്തി മധുരം പങ്കിട്ട് ജനത

ഇന്ന് ദീപങ്ങളുടെ മഹോത്സവമായ ദീപാവലിയാണ്. തിന്മയ്‌ക്കെതിരെ നന്മയുടെ ജയത്തെ ആചരിക്കുന്ന പുണ്യ ദിനം. രാജ്യമെങ്ങുമുള്ള ജനങ്ങൾ ദീപം തെളിയിച്ച്, മധുരം വിതരണം ചെയ്ത്, സന്തോഷം പങ്കുവെച്ച് ഈ ഉത്സവം ആഘോഷിക്കുന്നു.

ഇരുളിൽ നിന്ന് വെളിച്ചത്തിലേക്ക് എന്ന മഹത്തായ സന്ദേശമാണ് ദീപാവലി നൽകുന്നത്. മൺചിരാതുകൾ തെളിയിച്ച് വീടുകളും വഴികളും പ്രകാശമാനമാക്കുമ്പോൾ, പടക്കങ്ങളുടെ ശബ്ദവും മധുരങ്ങളുടെ മണം നിറഞ്ഞ് ഉത്സവത്തിന്റെ ആനന്ദം പരന്നുപോകുന്നു.

ദീപാവലിയെക്കുറിച്ച് പല ഐതിഹ്യങ്ങളുണ്ട്. ചിലരുടെ വിശ്വാസപ്രകാരം, പതിനാലു വർഷത്തെ വനവാസത്തിന് ശേഷം അയോധ്യയിലേയ്ക്കു മടങ്ങിയ ശ്രീരാമന്റെ വരവാണ് ഈ ദിനത്തിൽ ആഘോഷിക്കുന്നത്. മറ്റൊരു ഐതിഹ്യം പ്രകാരം, ശ്രീകൃഷ്ണൻ നരകാസുരനെ വധിച്ച ദിനമാണ് ദീപാവലി. പാലാഴി മഥനത്തിനിടയിൽ ലക്ഷ്മി ദേവി അവതരിച്ച ദിനമാണെന്ന വിശ്വാസവും നിലനില്ക്കുന്നു.

കേരളത്തിലും ദീപാവലി ഒരു പ്രത്യേക ദിനമാണ്. പ്രധാന ക്ഷേത്രങ്ങളിൽ ഭക്തജനങ്ങളുടെ തിരക്കോടുകൂടി ദർശനത്തിനായി നീണ്ട നിരകൾ കാണാം. വെളിച്ചത്തിന്റെ ഉത്സവം മാത്രമല്ല, സ്‌നേഹത്തിന്റെയും സൗഹൃദത്തിന്റെയും ഐക്യത്തിന്റെയും സന്ദേശം പകരുന്ന ഒരു മഹോത്സവമാണ് ദീപാവലി.

Tag: country is in the midst of Diwali; people light lamps and share sweets