സിപിഐഎം ബ്രാഞ്ച് സെക്രട്ടറി പോക്‌സോ കേസിൽ അറസ്റ്റിൽ

സിപിഐഎം ബ്രാഞ്ച് സെക്രട്ടറി പോക്‌സോ കേസിൽ അറസ്റ്റിൽ. പുതുനഗരം ചെട്ടിയത്തുകുളമ്പ് ബ്രാഞ്ച് സെക്രട്ടറി വാരിയത്തുകുളം സ്വദേശി എൻ. ഷാജി (35)യെയാണ് പോലീസ് പിടികൂടിയത്. പ്രതി കൊടുവായൂരിൽ കായികോപകരണങ്ങളുടെ കട നടത്തിവരികയായിരുന്നു.

ചൊവ്വാഴ്ച രാവിലെയാണ് സംഭവം നടന്നത്. ജേഴ്സി വാങ്ങാനെത്തിയ പത്താം ക്ലാസ് വിദ്യാർത്ഥിയോടാണ് ഷാജി അസഭ്യമായി പെരുമാറിയത്. പ്രതി സ്വകാര്യഭാഗം കാണിച്ചുകൊടുക്കുകയും, കുട്ടിയോട് അതുപോലെ തന്നെ ചെയ്യാൻ ആവശ്യപ്പെടുകയും, സ്വകാര്യഭാഗത്ത് സ്പർശിക്കുകയും ചെയ്തെന്നാണ് പരാതിയിൽ പറയുന്നത്. സംഭവത്തെ തുടർന്ന് കുട്ടിയുടെ രക്ഷിതാക്കൾ പുതുനഗരം പൊലീസിൽ പരാതി നൽകുകയും, പോലീസ് കേസ് രജിസ്റ്റർ ചെയ്ത് ഷാജിയെ അറസ്റ്റ് ചെയ്യുകയും ചെയ്തു. പിന്നീട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Tag: CPM branch secretary arrested in POCSO case