കൊല്ലത്ത് കുട്ടിയോടുള്ള ക്രൂരത; രണ്ടാനച്ഛനെതിരെ കേസും, കുഞ്ഞിന്റെ സംരക്ഷണം സിഡബ്ല്യുസി ഏറ്റെടുത്തു

കൊല്ലം തെക്കുംഭാഗത്ത് രണ്ടാനച്ഛന്‍റെ ക്രൂരതയ്ക്കിരയായ അഞ്ചുവയസ്സുകാരനെയും സഹോദരങ്ങളെയും ഇനി ചൈല്‍ഡ് വെല്‍ഫെയര്‍ കമ്മറ്റി (സിഡബ്ല്യുസി)സംരക്ഷിക്കും. കുഞ്ഞ് വികൃതികാണിച്ചതിന് ഇസ്തിരിപ്പെട്ടി കൊണ്ടാണ് രണ്ടാനച്ഛന്‍ കുട്ടിയുടെ കാല്‍ പൊള്ളിച്ചത്. സംഭവത്തെ തുടർന്ന് തെക്കുംഭാഗം പൊലീസ് ഇയാളെ കസ്റ്റഡിയിൽ എടുത്തു. ഇയാളുടെ മേല്‍ കേസും രജിസ്റ്റര്‍ ചെയ്തു.

കുട്ടിയുടെ അമ്മ വിദേശത്തായതിനാല്‍ കുട്ടികള്‍ രണ്ടാനച്ഛനോടൊപ്പം താമസിച്ചുവരികയായിരുന്നു. സംഭവ ദിവസം കുട്ടി മുത്തശിയോട് വികൃതികാണിച്ചതിനെത്തുടര്‍ന്ന് ദേഷ്യമായി ഇസ്തിരിപ്പെട്ടി കൊണ്ട് കുട്ടിയെ പീഡിപ്പിച്ചെന്നാണ് പൊലീസ് റിപ്പോർട്ട്. പൊള്ളലേറ്റ നിലയില്‍ കുട്ടി അങ്കണവാടിയില്‍ എത്തിയപ്പോഴാണ് കാര്യമായ വെളിപ്പെടുത്തല്‍ ഉണ്ടായത്. സംഭവം അറിഞ്ഞ അങ്കണവാടി അധ്യാപിക ഉടൻ തന്നെ ചൈല്‍ഡ് ലൈനുമായി ബന്ധപ്പെടുകയായിരുന്നു. തുടർന്ന് ചൈല്‍ഡ് ലൈൻ അധികൃതര്‍ കുട്ടിക്ക് കൗൺസിലിംഗ് നല്‍കി, പിന്നീട് പോലീസില്‍ പരാതി നല്‍കി. കുടുംബം മൈനാഗപ്പള്ളി സ്വദേശി ആയതിനാല്‍ തുടര്‍നടപടികൾ അതിടത്തും നടന്നു. കുട്ടിയേയും സഹോദരങ്ങളെയും സുരക്ഷിത സ്ഥലത്തേക്ക് മാറ്റി സിഡബ്ല്യുസിയുടെ മേല്‍നോട്ടത്തിലേക്ക് മാറ്റി.

Tag: Cruelty to a child in Kollam; Case filed against stepfather, CWC takes custody of the child