കോ​ട്ട​യം ജി​ല്ല​യി​ലെ നീ​ണ്ടൂ​രി​ലും ആ​ല​പ്പു​ഴ ജി​ല്ല​യി​ലെ കു​ട്ട​നാ​ട്ടി​ലും പ​ക്ഷി​പ്പ​നി സ്ഥി​രീ​ക​രി​ച്ചു,അരലക്ഷത്തോളം വ​ള​ർ​ത്തു പ​ക്ഷി​ക​ളെ​ കൊ​ന്നൊ​ടു​ക്കാ​ൻ ജി​ല്ലാ ഭ​ര​ണ​കൂ​ടം തീ​രു​മാ​നിച്ചു.

കോ​ട്ട​യം / സം​സ്ഥാ​ന​ത്ത് കോ​ട്ട​യം ജി​ല്ല​യി​ലെ നീ​ണ്ടൂ​രി​ലും ആ​ല​പ്പു​ഴ ജി​ല്ല​യി​ലെ കു​ട്ട​നാ​ട്ടി​ലും പ​ക്ഷി​പ്പ​നി സ്ഥി​രീ​ക​രി​ച്ചു. രോ​ഗം സ്ഥി​രീ​ക​രി​ച്ച മേ​ഖ​ല​ക​ളി​ലെ ഒ​രു​ കി​ലോ​മീ​റ്റ​ർ പ​രി​ധി​യി​ലു​ള്ള അരലക്ഷത്തോളം വ​ള​ർ​ത്തു പ​ക്ഷി​ക​ളെ​യും കൊ​ന്നൊ​ടു​ക്കാ​ൻ ജി​ല്ലാ ഭ​ര​ണ​കൂ​ടം തീ​രു​മാ​നിച്ചു. ഒ​രു മേ​ഖ​ല​യി​ൽ മാ​ത്രം അ​ൻ​പ​തി​നാ​യി​ര​ത്തോ​ളം പ​ക്ഷി​ക​ളെ കൊ​ല്ലേ​ണ്ടി വ​രു​മെ​ന്നാ​ണ് അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്.

ജി​ല്ലാ ക​ലക്ട​ർ​മാ​രു​ടെ നേ​തൃ​ത്വ​ത്തി​ലാ​കും പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ക്കു​ന്ന​ത്. രോ​ഗ​വ്യാ​പ​നം ത​ട​യാ​ൻ ആ​രോ​ഗ്യ​വ​കു​പ്പു​മാ​യി ചേ​ർ​ന്ന് എ​ല്ലാ ന​ട​പ​ടി​ക​ളും സ്വീ​ക​രി​ക്കു​മെ​ന്ന് വ​നം​മ​ന്ത്രി കെ.​രാ​ജു അ​റി​യി​ച്ചു. ക​ഴി​ഞ്ഞ ദി​വ​സ​മാ​ണ് നീ​ണ്ടൂ​ർ, കു​ട്ട​നാ​ട് മേ​ഖ​ല​ക​ളി​ൽ നി​ന്നാ​യി ഒ​ൻ​പ​ത് സാ​മ്പി​ളു​ക​ൾ പൂ​ന​യി​ലെ ലാ​ബി​ലേ​ക്ക് പ​രി​ശോ​ധ​ന​യ്ക്ക് അ​യച്ചിരുന്നു. ഇ​തി​ൽ അ​ഞ്ച് സാ​മ്പി​ളു​ക​ളി​ലാ​ണ് രോ​ഗം ക​ണ്ടെ​ത്തി​യ​ത്. രോ​ഗ​വി​വ​ര​ത്തെ​ക്കു​റി​ച്ച് ഞാ​യ​റാ​ഴ്ച വൈ​കി​ട്ട് ത​ന്നെ സ​ർ​ക്കാ​രി​ന് വി​വ​രം ല​ഭിച്ചിരുന്നു. ദേ​ശാ​ട​ന​പ​ക്ഷി​ക​ളി​ൽ നി​ന്നാ​വാം രോ​ഗ​ബാ​ധ​യു​ണ്ടാ​യ​തെ​ന്ന നി​ഗ​മ​ന​ത്തി​ലാ​ണ് വ​നം​വ​കു​പ്പ്. ക​ഴി​ഞ്ഞ വ​ർ​ഷം മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ലും പ​ക്ഷി​പ്പ​നി സ്ഥി​രീ​ക​രി​ച്ചി​രു​ന്നു. ഇ​തേ​തു​ട​ർ​ന്ന് കേ​ന്ദ്ര സ​ർ​ക്കാ​ർ നി​ർ​ദ്ദേ​ശ​പ്ര​കാ​രം സ്വീ​ക​രി​ച്ച അ​തേ​ന​ട​പ​ടി​ക​ളാ​ണ് ഇ​ത്ത​വ​ണ​യും സ്വീകരിക്കാൻ അ​ധി​കൃ​ത​ർ ആ​ലോ​ചി​ക്കു​ന്ന​ത്.
/റിലീസ്/