വാഷിങ്ടണ്‍: പടിയിറങ്ങിപ്പോയിട്ടും അമേരിക്കയെ വിടാതെ പിന്തുടരുന്ന മുന്‍ യു.എസ് പ്രസിഡന്‍റ് ഡോണള്‍ഡ് ട്രംപിന്‍റെ ഭരണകാലം പുസ്തകമാക്കുന്നു. സ്വന്തം മരുമകനും ഭരണകാലത്തെ മുതിര്‍ന്ന ഉപദേഷ്ടാവുമായിരുന്ന ജാരെദ് കുഷ്നറാണ് പുസ്തക രചനക്ക് ഹാര്‍പിന്‍ കോളിന്‍സിന്‍റെ അനുബന്ധ പ്രസിദ്ധീകരണാലയമായ ബ്രോഡ്സൈഡ് ബുക്സുമായി കരാറിലെത്തിയത്. കരാര്‍ തുക ഇരുവരും വെളിപ്പെടുത്തിയിട്ടില്ല.
ഉപദേശകനെന്ന നിലക്ക് ട്രംപിന്‍റെ തീരുമാനങ്ങളിലേറെയും സ്വാധീനിച്ച വ്യക്തിയെന്ന നിലക്ക് ശ്രദ്ധേയനാണ് കുഷ്നര്‍. അബ്രഹാം അക്കോഡ്സ്, ക്രിമിനല്‍ ജസ്റ്റീസ് പരിഷ്കാരങ്ങള്‍ പോലുള്ള നടപടികള്‍ക്കു പിന്നില്‍ അദ്ദേഹമായിരുന്നു.
ട്രംപിന്‍റെ മകള്‍ ഇവാന്‍ക ട്രംപിനെയാണ് 40 കാരനായ കുഷ്നര്‍ വിവാഹം ചെയ്തത്.
