ഗാന്ധി സമാധാന പുരസ്​കാരം ബംഗ്ലദേശ്​ രാഷ്​ട്രപിതാവ്​ മുജീബ് റഹ്​മാനും സുൽത്താൻ ഖാബൂസിനും

ന്യൂ ഡെൽഹി: കഴിഞ്ഞ രണ്ടു വർഷങ്ങളിലെ ഗാന്ധി സമാധാന പുരസ്​കാരം ബംഗ്ലദേശ്​ രാഷ്​ട്ര പിതാവ്​ മുജീബു റഹ്​മാനും പതിറ്റാണ്ടുകളോളം ഒമാൻ ഭരണാധികാരിയായിരുന്ന​ സുൽത്താൻ ഖാബൂസിനും. ഇതാദ്യമായാണ്​ മരണാനന്തര ബഹുമതിയായി രണ്ടു പേർക്ക്​ ഒരേ സമയം ഗാന്ധി പുരസ്​കാരം സമ്മാനിക്കുന്നത്​.

പശ്​ചിമേഷ്യയിൽ ഏറ്റവും കൂടുതൽ കാലയളവിൽ രാജ്യം ഭരിച്ച ഭരണാധികാരികളിലൊരാളാണ്​ സുൽത്താൻ ഖാബൂസ്​ ബിൻ സെയ്​ദ്​ അൽ സെയ്​ദ്. യുദ്ധ മുഖത്തായിരുന്ന ഇറാനും അമേരിക്കക്കും ഇടയിലെ സമാധാന ചർച്ചകൾക്ക്​ നേതൃത്വം വഹിച്ച വ്യക്​തിത്വമായ സുൽത്താൻ ഖാബൂസ്​ അറബ്​ ലോകത്ത്​ ഉന്നതയായിരുന്നു .

മാർച്ച്‌​ 26ന്​ ബംഗ്ലദേശ്​ ദേശീയദിനാഘോഷ ചടങ്ങുകളിൽ പ്രധാനമന്ത്രി നരേന്ദ്ര മോദി പ​ങ്കെടുക്കാനിരിക്കെയാണ്​ മുജീബു റഹ്​മാന്​ ഗാന്ധി സമാധാന പുരസ്​കാരം നൽകുന്നത്​. ഒരു കോടി രൂപയും പ്രശസ്​തി പത്രവുമാണ്​ പുരസ്​കാരം.