”ദ്വാരപാലക ശിൽപങ്ങളിലെ ചെമ്പുപാളികൾക്ക് പുറമെ ലിന്റൽ, 474.9 ഗ്രാം സ്വർണത്തിന്റെ അഭാവം”; അന്വേഷണ റിപ്പോർട്ട് സമർപ്പിച്ചു

ദ്വാരപാലക ശിൽപങ്ങളിലെ ചെമ്പുപാളികൾക്ക് പുറമെ ലിന്റൽ, വശങ്ങളിലെ ഫ്രെയിംമുകൾ തുടങ്ങിയവയിൽ സ്വർണം പൂശിയതിൽ ക്രമക്കേടുണ്ടോയെന്ന് എസ്ഐടി പരിശോധിക്കാനും, ആവശ്യമായാൽ വേറെ കേസുകൾ രജിസ്റ്റർ ചെയ്ത് അന്വേഷിക്കാനും കോടതി അനുമതി നൽകി. സ്വർണം പൂശലുമായി ബന്ധപ്പെട്ട് തിരിമറി നടന്നിട്ടുണ്ടെന്ന് ഹൈക്കോടതി വ്യക്തമാ

ചെന്നൈയിലെ സ്മാർട്ട് ക്രിയേഷൻസ് കമ്പനി, പാളികളിൽ ഇതിനകം സ്വർണം ഉള്ളതിനാൽ വീണ്ടും പൂശൽ സാധ്യമല്ലെന്ന് വ്യക്തമാക്കിയിരുന്നെങ്കിലും, ഉണ്ണിക്കൃഷ്ണൻ പോറ്റിയുടെ നിർബന്ധപ്രകാരം സ്വർണം വേർതിരിച്ച് എടുത്തതായി വിജിലൻസ് റിപ്പോർട്ടിൽ പറയുന്നു. ഇതിന്റെ അടിസ്ഥാനത്തിൽ 474.9 ഗ്രാം സ്വർണത്തിന്റെ അഭാവം സംബന്ധിച്ച് അന്വേഷണം വേണമെന്ന് ജസ്റ്റിസുമാരായ രാജാ വിജയരാഘവൻ, കെ.വി. ജയകുമാർ എന്നിവരുടെ ബെഞ്ച് നിർദേശിച്ചു.

ദേവസ്വം കമ്മിഷണറുടെ അനുമതിയും ഹൈക്കോടതിയുടെ അംഗീകാരവും ഇല്ലാതെ ദ്വാരപാലക ശിൽപങ്ങളുടെ ചെമ്പുപാളികൾ ചെന്നൈയിലേക്ക് കൊണ്ടുപോയത് കേസിന്റെ തുടക്കമായിരുന്നു. തുടർന്ന്, കോടതിയുടെ നിർദേശപ്രകാരം വിജിലൻസ് ഓഫിസർ നടത്തിയ അന്വേഷണത്തിലാണ് 2019-ലെ പ്രവർത്തനങ്ങൾക്കിടെ നിരവധി ക്രമക്കേടുകൾ പുറത്തുവന്നത്.

കോടതി പരിശോധിച്ച രേഖകൾ പ്രകാരം, ചെന്നൈയിലേക്ക് കൊണ്ടുപോയ സ്വർണപ്പാളികളുടെ തൂക്കം നാലര കിലോയോളം കുറവായിരുന്നു, കൂടാതെ 39 ദിവസം വൈകിയാണ് അവ സന്നിധാനത്തിൽ നിന്ന് അയച്ചത് എന്നും കണ്ടെത്തി.

തുടർന്ന്, സ്പോൺസർ ഉണ്ണിക്കൃഷ്ണൻ പോറ്റി “താൻ സ്വർണം പൂശി തിരിച്ചേൽപ്പിച്ച ശിൽപങ്ങളുടെ പീഠം കാണാനില്ല” എന്ന അവകാശവാദവുമായി രംഗത്തെത്തി. വിജിലൻസ് ഓഫിസർ നടത്തിയ പരിശോധനയിൽ അത് ഉണ്ണിക്കൃഷ്ണൻ പോറ്റിയുടെ സഹോദരിയുടെ വീട്ടിൽ നിന്നാണ് കണ്ടെത്തിയത്. കൂടാതെ, മറ്റൊരു ദ്വാരപാലക ശിൽപ്പം കൂടി സ്വർണം വേർതിരിച്ചെടുക്കാൻ ഉപയോഗിക്കാമെന്നു പറഞ്ഞ് ഉണ്ണിക്കൃഷ്ണൻ പോറ്റി നൽകിയ കത്തും കോടതി സംശയത്തോടെയാണ് കണ്ടത്, കാരണം അത്തരമൊരു ശിൽപ്പം നിലനിൽക്കുന്നില്ലെന്ന് വിജിലൻസ് സ്ഥിരീകരിച്ചു.

കൂടാതെ, 1998–99 കാലഘട്ടത്തിൽ വിജയ് മല്യയുടെ കമ്പനി വാതിലുകളും ദ്വാരപാലക ശിൽപങ്ങളും സ്വർണത്തിൽ പൊതിഞ്ഞതായിരുന്നുവെങ്കിലും, 2019-ൽ ചെന്നൈയിലേക്ക് അയച്ചപ്പോൾ അതിനെ ചെമ്പുപാളികളായി രേഖപ്പെടുത്തിയതും വലിയ ക്രമക്കേടിന്റെ സൂചനയാണെന്ന് കോടതി വ്യക്തമാക്കി.

ഇതോടെ വിപുലമായ സ്വർണക്കൊള്ള നടന്നതായുള്ള സംശയം ശക്തമാണെന്ന് ഹൈക്കോടതി നിരീക്ഷിച്ചു, എഡിജിപി എച്ച്. വെങ്കിടേഷിന്റെ നേതൃത്വത്തിലുള്ള പ്രത്യേക അന്വേഷണസംഘം (SIT) ഇതിൽ അന്വേഷണം ആരംഭിക്കണമെന്ന് കോടതി ഉത്തരവിട്ടു.

Tag: In addition to the copper plates in the Dwarapalaka sculptures, there is a lack of 474.9 grams of gold in the lintel”; Investigation report submitted