തൊഴിൽ രഹിതരായ യുവജനങ്ങൾക്ക് സന്തോഷവാർത്ത! കൈത്താങ്ങായി കേരള സർക്കാർ
ഐടിഐ യോഗ്യതയുള്ളവർക്ക് ഒരു ലക്ഷത്തോളം തൊഴിലവസരങ്ങൾ നൽകുന്ന ബൃഹത്തായ പദ്ധതിയുമായി തൊഴിൽ വകുപ്പ് രംഗത്ത് വന്നിരിക്കുന്നു. ട്രേഡ് സർട്ടിഫിക്കറ്റുമായി ഇനി ജോലി തേടി അലയേണ്ട, തൊഴിൽ അവസരങ്ങൾ നിങ്ങളെ തേടിയെത്തും! വിദ്യാഭ്യാസമന്ത്രി വി. ശിവൻകുട്ടി പ്രഖ്യാപിച്ച ഈ വിപ്ലവകരമായ പദ്ധതി തൊഴിൽ മേഖലയിൽ ഒരു വലിയ വിപ്ലവം തന്നെ ആയിരിക്കും .
തൊഴിൽ വകുപ്പും, വിജ്ഞാന കേരളം കെ-ഡിസ്ക് പരിപാടിയും സംയുക്തമായി നടപ്പിലാക്കുന്ന ഈ പദ്ധതി, നിലവിലെ ഐടിഐ വിദ്യാർത്ഥികൾക്കും, പൂർവ്വ വിദ്യാർത്ഥികൾക്കും ഒരുപോലെ പ്രയോജനകരമാണ്. ഒരു ലക്ഷത്തോളം തൊഴിലവസരങ്ങളാണ് ഈ യോഗ്യതയുള്ളവർക്കായി ഒരുങ്ങുന്നത്.
പദ്ധതിയുടെ പ്രധാന ലക്ഷ്യങ്ങൾ രണ്ട് മാർഗ്ഗങ്ങളിലൂടെയാണ് നടപ്പിലാക്കുന്നത്:
നൈപുണ്യ പരിശീലനം നൽകി, തൊഴിൽ മേളകളിലൂടെ ഉദ്യോഗാർത്ഥികൾക്ക് നേരിട്ട് നിയമനം നൽകുന്നു.
രണ്ടാമതായി റിക്രൂട്ട്, ട്രെയിൻ & ഡിപ്ലോയ് (RTD) മാതൃക: ഈ നൂതന മാതൃകയിൽ, കമ്പനികൾ ഉദ്യോഗാർത്ഥികളെ റിക്രൂട്ട് ചെയ്യുകയും, ആറു മാസം വരെ ഐടിഐകളിലോ മറ്റ് കേന്ദ്രങ്ങളിലോ പരിശീലനം നൽകി സ്ഥിരപ്പെടുത്തുകയും ചെയ്യും. കൂടാതെ ട്രേഡ് സർട്ടിഫിക്കറ്റ് ഉള്ളവർക്കായി 15,000 രൂപയ്ക്ക് മുകളിൽ ശമ്പളമുള്ള മുക്കാൽ ലക്ഷത്തോളം തൊഴിലവസരങ്ങളാണ് ഇതിനോടകം സമാഹരിച്ചിരിക്കുന്നത്.
പൂർവ്വ വിദ്യാർത്ഥികൾക്കായി നവംബർ 1 മുതൽ 7 വരെ നിങ്ങൾ പഠിച്ച ഐടിഐകളിൽ വെച്ച് രജിസ്ട്രേഷൻ സൗകര്യം ഒരുക്കും. നവംബർ 7 മുതൽ 15 വരെ കരിയർ കൗൺസലിംഗും സ്കിൽ അസസ്മെന്റും നടക്കും. ഇതിന്റെ അടിസ്ഥാനത്തിൽ ക്ലസ്റ്ററുകൾ രൂപീകരിച്ച്, നവംബർ 20 മുതൽ നോഡൽ കേന്ദ്രങ്ങളിൽ വെച്ച് ബാച്ചുകളായി പരിശീലനം ആരംഭിക്കും.: ഡിസംബർ പകുതിയോടെ പൂർവ്വ വിദ്യാർത്ഥികൾക്കായി പ്രത്യേക തൊഴിൽ മേളകളും സംഘടിപ്പിക്കും. വിരമിച്ച ഐടിഐ, എഞ്ചിനീയറിംഗ് കോളേജ്, പോളിടെക്നിക് ഇൻസ്ട്രക്ടർമാർക്ക് ഈ പരിശീലന പരിപാടികളിൽ മെന്റർമാരായി പ്രവർത്തിക്കാൻ അവസരമുണ്ട്. താല്പര്യമുള്ളവർക്ക് അടുത്തുള്ള ഐടിഐകളിലോ വിജ്ഞാന കേരളം വെബ്സൈറ്റിലോ രജിസ്റ്റർ ചെയ്യാം.
ഈ പുതിയ കർമ്മ പരിപാടി കേരളത്തിലെ യുവജനങ്ങൾക്ക് ഒരു സുവർണ്ണാവസരമാണ്. കഴിവുള്ളവർക്ക് ഉയർന്ന ശമ്പളത്തോടെ സ്ഥിരമായ ഒരു തൊഴിൽ നേടാൻ ഇതിലൂടെ സാധിക്കും. . സ്വപ്ന ജോലിക്കായുള്ള നിങ്ങളുടെ കാത്തിരിപ്പിന് ഇവിടെ വിരാമമാകുന്നു! കൂടുതൽ വിവരങ്ങൾക്കായി അടുത്തുള്ള ഐടിഐയുമായി ബന്ധപ്പെടുക.
Tag: Good news for unemployed youth! Kerala government extends a helping hand
