കേസിൽ കുടുങ്ങിയ വാഹനങ്ങൾഎക്സെെസ് നേരിട്ട് ലേലം ചെയ്യും; ആ​ഗസ്റ്റ് 11 മുതൽ 21വരെ വിവിധ ജില്ലകളിൽ പൊതു ലേലം

കേന്ദ്ര സർക്കാരിനു കീഴിലുള്ള മെറ്റൽ സ്ക്രാപ്പ് ട്രേഡ് കോർപ്പറേഷൻ (എംഎസ്ടിസി) വഴി ഇ ലേലത്തിൽ വിറ്റുപോകാത്ത വാഹനങ്ങൾ പൊതുലേലം വഴി വിൽക്കാൻ എക്സെെസ് വകുപ്പിനു സർക്കാർ അനുമതി നൽകി. അബ്കാരി കേസിലെ 904 വാഹനങ്ങളും ലഹരികേസിലെ 477 വാഹനങ്ങളുമാണ് ആ​ഗസ്റ്റ് 11 മുതൽ 21വരെ വിവിധ ജില്ലകളിലായി ലേലത്തിന് വയ്ക്കുക.

കഴിഞ്ഞ ജനുവരി വരെ 8362 വാഹനങ്ങൾ ലേലം ചെയ്യാനായി എക്സെെസിന്റെ പക്കൽ ശേഷിക്കുന്നുണ്ട്. ഇവയിൽ മുൻപ് എംഎസ്ടിസി വഴി ഇ ലേലത്തിന് ശ്രമിച്ചിട്ടും കഴിയാതെ വന്ന വാഹനങ്ങളാണ് പൊതുലേലത്തിലൂടെ വിൽക്കാൻ അനുമതി. എംഎസ്ടിസി വഴിയുള്ള ലേലം ഫലപ്രദമല്ലെന്നും വാഹനങ്ങൾ വാഹനങ്ങൾ സൂക്ഷിക്കുന്നതു ബുദ്ധിമുട്ടും വരുമാന നഷ്ടവുമുണ്ടാക്കുന്നെന്നും വിലയിരുത്തിയാണ് പൊതുലേലത്തിനുള്ള തീരുമാനം. ഇക്കാര്യം പരിശോധിച്ച സമിതി ഓരോ മാസവും പൊതുലേലം നടത്താനാണു ശുപാർശ ചെയ്തത്.

ആ​ഗസ്റ്റിലെ ലേല തീയതിയും ജില്ലയും

തിരുവനന്തപുരം, മലപ്പുറം (11ന്)

കൊല്ലം , കണ്ണൂർ (12ന്)

പത്തനംതിട്ട(13)

ഇടുക്കി, വയനാട് (14)

കോട്ടയം, കാസർ​ഗോഡ് (16)

എറണാകുളം (18)

തൃശൂർ (19)

പാലക്കാട് (20)

ആലപ്പുഴ, കോഴിക്കോട് (21)

Tag: EXCESS will directly auction the vehicles involved in the case; Public auction in various districts from August 11 to 21